ജോലി വാഗ്ദാനം മുതൽ മന്ത്രവാദത്തിലൂടെ രോഗസൗഖ്യം വരെ തട്ടിപ്പുകൾ പലതാണ് കണ്ണൂരിൽ. തട്ടിപ്പ് സംഘങ്ങൾക്ക് കൊവിഡ് കാലമൊരു തടസമേയല്ല. മറ്റുള്ളവന്റെ കൈയിലെ കാശ് എങ്ങനെയും തന്റെ പോക്കറ്റിലാക്കുമെന്ന ജാലവിദ്യ !. കണ്ണൂർ ജില്ലയിൽ കഴിഞ്ഞ ഒരാഴ്ചയായി വിചിത്രങ്ങളായ തട്ടിപ്പുകളാണ് അരങ്ങേറിയത്.

ക​ണ്ണൂ​ർ വി​മാ​ന​ത്താ​വ​ള​ത്തി​ൽ ജോ​ലി വാ​ഗ്ദാ​നം ചെ​യ്തും വി​മാ​ന​ത്താ​വ​ള​ത്തി​ൽ കഫറ്റീ​രി​യ തു​ട​ങ്ങാ​ൻ അ​നു​മ​തി ത​ര​പ്പെ​ടു​ത്തി ന​ൽ​കാ​മെ​ന്നും പ​റ​ഞ്ഞ് തലശേരിയിലും പരിസരങ്ങളിലും തട്ടിപ്പ് നടക്കുമ്പോൾ കണ്ണൂർ തെക്കീബസാറിൽ നഷ്ടപ്പെട്ട കേൾവിശക്തി മന്ത്രവാദത്തിലൂടെ തിരിച്ചു തരാമെന്ന് പറഞ്ഞാണ് തട്ടിപ്പ് അരങ്ങേറിയത്. വർഷങ്ങളായി നാട്ടിലില്ലാത്തവരുടെ ഭൂമി തട്ടിയെടുത്ത് സ്വന്തക്കാരുടെയും ബിനാമികളുടെയും പേരിൽ റജിസ്റ്റർ ചെയ്ത് കൊടുക്കുന്ന മറ്റൊരു തട്ടിപ്പ് സംഘവും തലപൊക്കി.

വിമാനത്താവളത്തിലെ ജോലി ത​ട്ടി​പ്പ് കേ​സി​ൽ മു​ഖ്യ​പ്ര​തി​ക​ളു​ടെ ഭാ​ര്യമാരും പങ്കാളികളായി. ത​ട്ടി​പ്പി​നി​ര​യാ​യി​ട്ടു​ള്ള​വ​ർ പ​രാ​തി​യു​മാ​യി എ​ത്തു​മ്പോ​ൾ പ​ണം തി​രി​ച്ചു ന​ൽ​കു​മെ​ന്ന് ഉ​റ​പ്പു ന​ൽ​കു​ന്ന എ​ഗ്രി​മെന്റി​ൽ പ്ര​തി​ക​ളു​ടെ ഭാ​ര്യ​മാ​രാ​ണ് ഒ​പ്പു വെ​ച്ചി​ട്ടു​ള​ള​ത്.

ത​ല​ശേ​രി, ചോ​മ്പാ​ല പൊലീ​സ് സ്റ്റേ​ഷ​നു​ക​ളി​ലാ​ണ് ത​ട്ടി​പ്പ് സം​ഘ​ത്തി​നെ​തി​രെ ഒ​രോ കേ​സു​ക​ൾ വീ​തം ര​ജി​സ്റ്റ​ർ ചെ​യ്ത​ത്. കോ​ടി​യേ​രി ക​ള​മു​റി​ക്ക​ണ്ടി​യി​ൽ ക​ശ്യ​പി​ന്റെ പ​രാ​തി പ്ര​കാ​രമാണ് കേസെടുത്തത്. ക​ശ്യ​പി​ൽ നി​ന്ന് ജോ​ലി വാ​ഗ്ദാ​നം ചെ​യ്​ത് 2018 ൽ ​അ​ഞ്ചു​ല​ക്ഷം രൂ​പ​യാ​ണ് സം​ഘം ത​ട്ടി​യെ​ടു​ത്ത​ത്. ഇ​തോ​ടെ ഈ ​സം​ഘ​ത്തി​നെ​തി​രെ ക​ണ്ണൂ​ർ, കോ​ഴി​ക്കോ​ട് ജി​ല്ല​ക​ളി​ലും മാ​ഹി മേ​ഖ​ല​യി​ലു​മാ​യി ഒ​രു ഡ​സ​ൻ കേ​സു​ക​ളാ​ണ് ര​ജി​സ്റ്റ​ർ ചെ​യ്തി​ട്ടു​ള്ള​ത്.

നാ​ല് വ​ർ​ഷ​ത്തി​നു​ള്ളി​ൽ കോ​ടി​ക​ളു​ടെ ത​ട്ടി​പ്പ് ന​ട​ത്തി​യ സം​ഘ​ത്തി​ന് ക​ണ്ണൂ​രി​ലെ ഉ​ന്ന​ത കോ​ൺ​ഗ്ര​സ് നേ​താ​വു​മാ​യു​ള്ള അ​ടു​ത്ത ബ​ന്ധ​ത്തെ​ക്കു​റി​ച്ച് വി​ല​പ്പെ​ട്ട വി​വ​ര​ങ്ങ​ളാ​ണ് പൊലീ​സി​ന് ല​ഭി​ച്ചി​ട്ടു​ള്ള​ത്. എ​യ​ർ പോ​ർ​ട്ടി​ൽ ഉ​യ​ർ​ന്ന ശ​മ്പ​ള​ത്തി​ൽ ജോ​ലി വാ​ഗ്ദാ​നം ചെ​യ്ത് ഉ​ദ്യോ​ഗാ​ർ​ത്ഥി​ക​ളെ വി​ശ്വ​സി​പ്പി​ച്ചാ​ണ് പ്ര​തി​ക​ൾ കോ​ടി​ക​ളു​ടെ ത​ട്ടി​പ്പ് ന​ട​ത്തി​യ​ത്.

നാട്ടിലില്ലാത്തവരുടെ

സ്വത്ത് തട്ടിയെടുക്കും

വ​ർ​ഷ​ങ്ങ​ളാ​യി നാ​ട്ടി​ലി​ല്ലാ​ത്ത കു​ടും​ബ​ങ്ങ​ളു​ടെ സ്വ​ത്തു​ക്ക​ളും കേ​സി​ൽ ഉ​ൾ​പ്പെ​ട്ട സ്വ​ത്തു​ക്ക​ളും വ്യാ​ജ രേ​ഖ​യു​ണ്ടാ​ക്കി ത​ട്ടി​യെ​ടു​ക്കു​ന്ന വ​ൻ സം​ഘം ജി​ല്ലാ ര​ജി​സ്ട്രാ​ർ ഓ​ഫീ​സ് കേ​ന്ദ്രീ​ക​രി​ച്ച് പ്ര​വ​ർ​ത്തി​ക്കു​ന്ന​താ​യി പൊ​ലീ​സ് അ​ന്വേ​ഷ​ണ​ത്തി​ൽ ക​ണ്ടെ​ത്തിയിരുന്നു. ഈ ​സം​ഘ​ത്തി​ന്റെ ഒ​ത്താ​ശ​യോ​ടെ 2017 വ​രെ​യു​ള്ള ജി​ല്ലാ ര​ജി​സ്ട്രാ​ർ ഓ​ഫീ​സി​ലെ വി​ല​പ്പെ​ട്ട രേ​ഖ​ക​ൾ ന​ശി​പ്പി​ച്ച​താ​യും വ്യ​ക്ത​മാ​യി​ട്ടു​ണ്ട്. ആധാരം എഴുത്തുകാരാണ് ഈ രജിസ്റ്റർ ഓഫീസ് നിയന്ത്രിക്കുന്നത്. സ​ർ​ക്കാ​ർ ഓ​ഫീ​സി​ലെ രേ​ഖ​ക​ൾ 20 വ​ർ​ഷം വ​രെ സൂ​ക്ഷി​ക്ക​ണ​മെ​ന്ന നി​യ​മം നി​ല​നി​ൽ​ക്കെ​യാ​ണ് രേ​ഖ​ക​ൾ സൂ​ക്ഷി​ക്കാ​ൻ സ്ഥ​ല​മി​ല്ലെ​ന്നു പ​റ​ഞ്ഞ് 2017 വ​രെ​യു​ള്ള രേ​ഖ​ക​ൾ വ​ൻ സ്വാ​ധീ​ന​മു​പ​യോ​ഗി​ച്ച് പ്ര​ത്യേ​ക അ​നു​മ​തി​യോ​ടെ ന​ശി​പ്പി​ച്ചി​ട്ടു​ള്ള​ത്. ജി​ല്ലാ ര​ജി​സ്ട്രാ​റു​ടെ ആ​സ്ഥാ​ന​മാ​യ ത​ല​ശേ​രി​യി​ൽ സ​വി​ശേ​ഷ അ​ധി​കാ​ര​മു​ള്ള സ​ബ് ര​ജി​സ്ട്രാ​റു​ടെ പ്ര​ത്യേ​ക അ​ധി​കാ​രം ഉ​പ​യോ​ഗ​പ്പെ​ടു​ത്തി​യാ​ണ് ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ലു​ള്ള സ്വ​ത്തു​ക്ക​ൾ ത​ട്ടി​യെ​ടു​ത്തി​ട്ടു​ള്ള​ത്. ത​ല​ശേ​രി​യി​ലെ സ​ബ് ര​ജി​സ്ട്രാ​ർ ഓ​ഫീ​സി​ൽ ജി​ല്ല​യി​ലെ ഏ​തു സ്ഥ​ല​ത്തെ സ്വ​ത്തു​ക്ക​ളും ര​ജി​സ്റ്റ​ർ ചെ​യ്യാ​നു​ള്ള പ്ര​ത്യേ​ക അ​ധി​കാ​ര​മു​ണ്ട്. ഇ​ത്ത​ര​ത്തി​ൽ ര​ജി​സ്ട്രേ​ഷ​ന് എ​ത്തു​ന്ന സ്വ​ത്തു​ക്ക​ൾ സം​ബ​ന്ധി​ച്ച രേ​ഖ​ക​ൾ അ​തത് സ​ബ് ര​ജി​സ്ട്രാ​ർ ഓ​ഫീ​സി​ൽ വേ​രി​ഫി​ക്കേ​ഷ​ന് അ​യ​യ്ക്ക​ണ​മെ​ന്നാ​ണ് നി​യ​മം. ഇ​ത് സം​ബ​ന്ധി​ച്ച രേ​ഖ​ക​ൾ ഉ​ൾ​പ്പെ​ടെയാ​ണ് ജി​ല്ലാ ര​ജി​സ്ട്രാ​ർ ഓ​ഫീ​സി​ൽ ന​ശി​പ്പി​ച്ചി​ട്ടു​ള്ള​ത്.

പ്രാർത്ഥനയിലൂടെ കേൾവിശക്തി

പ്രാ​ർ​ഥ​ന​യി​ലൂ​ടെ കേ​ൾ​വി​ശ​ക്തി വീ​ണ്ടെ​ടു​ക്കാ​മെ​ന്ന് വി​ശ്വ​സി​പ്പി​ച്ച് ദ​മ്പ​തി​ക​ളി​ൽ നി​ന്ന് ഒ​രു ല​ക്ഷം രൂ​പ ത​ട്ടി​യെ​ടു​ത്ത കൊല്ലം സ്വദേശിയായ യു​വ​തിയാണ് പിടിയിലായത്. ​ക​ണ്ണൂ​ർ തെ​ക്കീ​ബ​സാ​റി​ലെ ര​ഞ്ജി​നി​യാ​ണ് പ​രാ​തി​ക്കാ​രി. പരാതിക്കാരിയുടെ ഭ​ർ​ത്താ​വി​ന് പ്രാർത്ഥ​ന​യി​ലൂ​ടെ കേ​ൾ​വി​ശ​ക്തി തി​രി​ച്ചു​കി​ട്ടു​മെ​ന്ന് വി​ശ്വ​സി​പ്പി​ച്ച് പ​ണം ത​ട്ടി​യെ​ടു​ത്തെന്നാണ് കേ​സ്. പ്രാ​ർ​ത്ഥന​യി​ലൂ​ടെ ആ​ത്മ​സി​ദ്ധി കൈ​വ​രി​ക്കാ​മെ​ന്ന സമൂഹമാദ്ധ്യമങ്ങളിലെ പ​ര​സ്യം ക​ണ്ടാ​ണ് ര​ഞ്ജി​നി​ ധ്യാ​ന​കേ​ന്ദ്രം ന​ട​ത്തി​പ്പു​കാ​രി സു​നി​ത​യു​മാ​യി ബ​ന്ധ​പ്പെ​ടു​ന്ന​ത്. രോ​ഗം പൂ​ർ​ണ​മാ​യും ഭേ​ദ​മാ​ക്കു​മെ​ന്നും കു​റ​ച്ച് പ​ണം ത​ര​ണ​മെ​ന്നും പ്ര​തി ആ​വ​ശ്യ​പ്പെ​ട്ടു. പ​ണം അ​ട​ച്ചു​ക​ഴി​ഞ്ഞാ​ൽ ധ്യാ​നം കൂ​ടാ​ൻ കൊ​ല്ല​ത്തേ​ക്ക് വ​ര​ണ​മെ​ന്നും പറഞ്ഞു. അങ്ങനെയാണ് പ​ണം ന​ൽ​കി​യ​ത്. ഒരു ലക്ഷം രൂപയോളം പോയതല്ലാതെ കേൾവിശക്തി തിരിച്ചു കിട്ടിയില്ല.

വാൽക്കഷ്ണം -

തട്ടിപ്പുകൾ നാട് മുഴുവൻ വാർത്തകളിൽ നിറയുമ്പോഴും ഇരകളുടെ എണ്ണം പെരുകുന്നതാണ് അത്ഭുതം. തട്ടിപ്പിന് തല വച്ചുകൊടുക്കുന്നവർ ഇതിലെ നെല്ലും പതിരും തിരിച്ചറിയാൻ ശ്രമിക്കുന്നില്ലെന്നതാണ് വസ്തുത.