കണ്ണൂർ: ജില്ലയിൽ 150 പേർക്ക് ഇന്നലെ കൊവിഡ് 19 സ്ഥിരീകരിച്ചു. 128 പേർക്ക് സമ്പർക്കം മൂലമാണ് രോഗബാധ. 15 പേർ ഇതര സംസ്ഥാനങ്ങളിൽ നിന്നെത്തിയവരാണ്. ഏഴ് ആരോഗ്യ പ്രവർത്തകർക്കും ഇന്നലെ രോഗബാധയുണ്ടായി.
ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 2944 ആയി. ഇവരിൽ ഇന്നലെ രോഗമുക്തി നേടിയ 92 പേരടക്കം 1974 പേർ ആശുപത്രി വിട്ടു. കൊവിഡ് സ്ഥിരീകരിച്ച 17 പേർ ഉൾപ്പെടെ 26 പേർ മരണപ്പെട്ടു. ബാക്കി 944 പേർ ആശുപത്രികളിൽ ചികിത്സയിലാണ്.

കൊവിഡ് 19മായി ബന്ധപ്പെട്ട് ജില്ലയിൽ നിലവിൽ നിരീക്ഷണത്തിലുള്ളത് 10191 പേരാണ്. ജില്ലയിൽ നിന്ന് ഇതുവരെ 58820 സാമ്പിളുകൾ പരിശോധനയ്ക്ക് അയച്ചതിൽ 58530 എണ്ണത്തിന്റെ ഫലം വന്നു. 290 എണ്ണത്തിന്റെ ഫലം ലഭിക്കാനുണ്ട്.

92 പേർക്ക് രോഗമുക്തി
അഞ്ചരക്കണ്ടി കൊവിഡ് ട്രീറ്റ്‌മെന്റ് സെന്റർ, സ്‌പോർട്സ് ഹോസ്റ്റൽ സി.എഫ്.എൽ.ടി.സി എന്നിവിടങ്ങളിൽ ചികിത്സയിലായിരുന്ന 17 വീതം പേരും പാലയാട് സി.എഫ്.എൽ.ടി.സിയിൽ ചികിത്സയിലായിരുന്ന 13 പേരും കണ്ണൂർ ഗവ. മെഡിക്കൽ കോളേജിൽ നിന്ന് 12 പേരും കണ്ണൂർ ജില്ലാ ആശുപത്രിയിൽ നിന്ന് 11 പേരും സെഡ് പ്ലസ് സി.എഫ്.എൽ.ടി.സിയിൽ നിന്ന് 10 പേരും നെട്ടൂർ സി.എഫ്.എൽ.ടി.സിയിൽ നിന്ന് ആറ് പേരും തലശ്ശേരി ജനറൽ ആശുപത്രിയിൽ നിന്ന് മൂന്ന് പേരും കണ്ണൂർ മിംസ്, കാലിക്കറ്റ് ഗവ. മെഡിക്കൽ കോളേജ്, എം.ഐ.ടി ഡി.സി.ടി.സി എന്നിവിടങ്ങളിൽ നിന്ന് ഒരോരുത്തരുമാണ് ഇന്നലെ രോഗമുക്തരായത്.

രോഗബാധിതർ 2944

രാഗമുക്തർ 1974

ചികിത്സയിൽ 944

നിരീക്ഷണത്തിൽ 10191