കണ്ണൂർ: ജില്ലയിൽ 102 പേർക്ക് ഇന്നലെ കൊവിഡ് 19 സ്ഥിരീകരിച്ചു. 86 പേർക്ക് സമ്പർക്കം മൂലമാണ് രോഗബാധ. ഒരാൾ വിദേശത്തു നിന്നും 12 പേർ ഇതര സംസ്ഥാനങ്ങളിൽ നിന്നുമെത്തിയവരാണ്. മൂന്ന് ആരോഗ്യ പ്രവർത്തകർക്കും പുതുതായി രോഗബാധയുണ്ടായി.
ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 3174 ആയി. ഇവരിൽ ഇന്നലെ രോഗമുക്തി നേടിയ 116 പേരടക്കം 2138 പേർ ആശുപത്രി വിട്ടു. കൊവിഡ് സ്ഥിരീകരിച്ച 19 പേർ ഉൾപ്പെടെ 27 പേർ മരണപ്പെട്ടു. ബാക്കി 1009 പേർ ആശുപത്രികളിൽ ചികിത്സയിലാണ്.
കൊവിഡ് 19മായി ബന്ധപ്പെട്ട് നിലവിൽ 10815 പേരാണ് നിരീക്ഷണത്തിലുള്ളത്. ഇവരിൽ 9846 പേർ വീടുകളിലാണ്. ഇതുവരെ 62785 സാമ്പിളുകൾ പരിശോധനയ്ക്ക് അയച്ചതിൽ 62499 എണ്ണത്തിന്റെ ഫലം വന്നു. 286 എണ്ണത്തിന്റെ ഫലം ലഭിക്കാനുണ്ട്.

116 പേർക്കു രോഗമുക്തി

30 പേർ അഞ്ചരക്കണ്ടി കൊവിഡ് ട്രീറ്റ്‌മെന്റ് സെന്ററിൽ നിന്നും 26 പേർ എം.ഐ.ടി.ഡി.സി.ടി.സിയിൽ നിന്നും 12 പേർ കണ്ണൂർ ഗവ. മെഡിക്കൽ കോളേജിൽ നിന്നും ഒമ്പത് പേർ ആയുർവേദ സി.എഫ്.എൽ.ടി.സിയിൽ നിന്നും എട്ട് പേർ കണ്ണൂർ ജില്ലാ ആശുപത്രിയിൽ നിന്നും അഞ്ച് വീതം പേർ സ്‌പോർട്സ് ഹോസ്റ്റൽ സി.എഫ്.എൽ.ടി.സി, സെഡ് പ്ലസ് സി.എഫ്.എൽ.ടി.സി, നെട്ടൂർ സി.എഫ്.എൽ.ടി.സി എന്നിവിടങ്ങളിൽ നിന്നും രോഗമുക്തി നേടി. കണ്ണൂർ ആസ്റ്റർ മിംസ്, മിലിട്ടറി ആശുപത്രി എന്നിവിടങ്ങളിൽ ചികിത്സയിലായിരുന്ന നാല് വീതം പേരും തലശ്ശേരി ജനറൽ ആശുപത്രിയിലും ഹോം ഐസൊലേഷനിലുമായിരുന്ന മൂന്ന് വീതം പേരും പാലയാട് സി.എഫ്.എൽ.ടി.സിയിൽ ചികിത്സയിലായിരുന്ന രണ്ടു പേരും ഇന്നലെ രോഗമുക്തരായി.

രോഗബാധിതർ 3174

രോഗമുക്തർ 2138

ചികിത്സയിൽ 1009

നിരീക്ഷണത്തിൽ 10815