കണ്ണൂർ: ജില്ലയിൽ 135 പേർക്ക് ഇന്നലെ കൊവിഡ് ബാധ സ്ഥിരീകരിച്ചു. 113 പേർക്ക് സമ്പർക്കം മൂലമാണ് രോഗബാധ. 15 പേർ ഇതര സംസ്ഥാനങ്ങളിൽ നിന്നെത്തിയവരും ഏഴു പേർ ആരോഗ്യ പ്രവർത്തകരുമാണ്.
ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 3309 ആയി. ഇവരിൽ ഇന്ന് രോഗമുക്തി നേടിയ 137 പേരടക്കം 2275 പേർ ആശുപത്രി വിട്ടു. 1007 പേർ വിവിധ ആശുപത്രികളിൽ ചികിത്സയിലാണ്.

നിലവിൽ 11089 പേരാണ് നിരീക്ഷണത്തിലുള്ളത്. ഇവരിൽ 10190 പേർ വീടുകളിലാണ്. ജില്ലയിൽ നിന്ന് ഇതുവരെ 64550 സാമ്പിളുകൾ പരിശോധനയ്ക്ക് അയച്ചതിൽ 64295 എണ്ണത്തിന്റെ ഫലം വന്നു. 255 എണ്ണത്തിന്റെ ഫലം ലഭിക്കാനുണ്ട്.

137 പേർക്കു രോഗമുക്തി
48 പേർ അഞ്ചരക്കണ്ടി കൊവിഡ് ട്രീറ്റ്‌മെന്റ് സെന്ററിൽ നിന്നും 41 പേർ എം.ഐ.ടി ഡി.സി.ടി.സിയിൽ നിന്നും 17 പേർ സ്‌പോർട്സ് ഹോസ്റ്റൽ സി.എഫ്.എൽ.ടി.സിയിൽ നിന്നും സെഡ് പ്ലസ് സി.എഫ്.എൽ.ടി.സി, പാലയാട് സി.എഫ്.എൽ.ടി.സി എന്നിവിടങ്ങളിൽ നിന്ന് ഏഴ് വീതം പേരും കണ്ണൂർ ജില്ലാ ആശുപത്രിയിൽ നിന്ന് അഞ്ച് പേരും ആയുർവേദ സി.എഫ്.എൽ.ടി.സിയിൽ നിന്ന് മൂന്നു പേരും രോഗമുക്തി നേടി. കണ്ണൂർ ഗവ. മെഡിക്കൽ കോളേജ്, തലശ്ശേരി ജനറൽ ആശുപത്രി, കാലിക്കറ്റ് സി.എഫ്.എൽ.ടി.സി എന്നിവിടങ്ങളിൽ ചികിത്സയിലായിരുന്ന രണ്ട് വീതം പേരും, കണ്ണൂർ ആസ്റ്റർ മിംസ്, കാലിക്കറ്റ് മിംസ്, ഹജ്ജ് ഹൗസ് സി.എഫ്.എൽ.ടി.സി എന്നിവിടങ്ങളിൽ നിന്ന് ഓരോരുത്തരും ഇന്നലെ രോഗമുക്തരായി.