കണ്ണൂർ: ജില്ലയിൽ 95 പേർക്ക് ഇന്നലെ കൊവിഡ് 19 സ്ഥിരീകരിച്ചു. 80 പേർക്ക് സമ്പർക്കം മൂലമാണ് രോഗബാധ. ഒരാൾ വിദേശത്തു നിന്നും അഞ്ചു പേർ ഇതര സംസ്ഥാനങ്ങളിൽ നിന്നും എത്തിയവരാണ്. ഒമ്പത് ആരോഗ്യ പ്രവർത്തകർക്കും രോഗം സ്ഥിരീകരിച്ചു.
ഇതോടെ ജില്ലയിൽ ഇതുവരെ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 3404 ആയി. ഇവരിൽ ഇന്നലെ രോഗമുക്തി നേടിയ 92 പേരടക്കം 2367 പേർ ആശുപത്രി വിട്ടു. 1009 പേർ വിവിധ ആശുപത്രികളിൽ ചികിത്സയിലാണ്.

ജില്ലയിൽ നിലവിൽ നിരീക്ഷണത്തിലുള്ളത് 11527 പേരാണ്. ഇതുവരെ 65613 സാമ്പിളുകൾ പരിശോധനയ്ക്ക് അയച്ചതിൽ 65363 എണ്ണത്തിന്റെ ഫലം വന്നു. 250 എണ്ണത്തിന്റെ ഫലം ലഭിക്കാനുണ്ട്.

92 പേർക്കു കൂടി രോഗമുക്തി

എം.ഐ.ടി. ഡി.സി.ടി.സി, നെട്ടൂർ സി.എഫ്.എൽ.ടി.സി എന്നിവിടങ്ങളിൽ ചികിത്സയിലായിരുന്ന 29 വീതം പേരും അഞ്ചരക്കണ്ടി കൊവിഡ് ട്രീറ്റ്‌മെന്റ് സെന്ററിൽ നിന്ന് 19 പേരും രോഗമുക്തി നേടി. 12 പേർ പാലയാട് സി.എഫ്.എൽ.ടി.സിയിൽ നിന്നും രണ്ടുപേർ കണ്ണൂർ ആസ്റ്റർ മിംസിൽ നിന്നും ഒരാൾ സെഡ് പ്ലസ് സി.എഫ്.എൽ.ടി.സിയിൽ നിന്നുമാണ് രോഗമുക്തി നേടിയത്.