8 പേർക്ക് രോഗ മുക്തി

3 പേർ ആരോഗ്യ പ്രവർത്തകർ

കൽപ്പറ്റ: വയനാട് ജില്ലയിൽ ഇന്നലെ 31 പേർക്ക് കൊവിഡ് സ്ഥിരീകരിച്ചു. എല്ലാവർക്കും സമ്പർക്കത്തിലൂടെയാണ് രോഗബാധ. എട്ടു പേർ രോഗമുക്തി നേടി.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 720 ആയി. ഇതിൽ 345 പേർ രോഗ മുക്തരായി. ഒരാൾ മരണപ്പെട്ടു. നിലവിൽ 374 പേരാണ് ചികിത്സയിലുള്ളത്. ഇതിൽ 359 പേർ ജില്ലയിലും 15 പേർ ഇതര ജില്ലകളിലും ചികിത്സയിൽ കഴിയുന്നു.

രോഗം സ്ഥിരീകരിച്ചവർ:

പടിഞ്ഞാറത്തറ സ്വദേശിയായ ഒരു ആരോഗ്യ പ്രവർത്തകനും (26) അദ്ദേഹത്തിന്റെ സമ്പർക്കത്തിലുള്ള സ്വന്തം വീട്ടിലെ 5 പേരും (55, 50, 56, 13, 30), മാനന്തവാടി ജില്ലാ ആശുപത്രിയിൽ ജോലിചെയ്യുന്ന തരിയോട് സ്വദേശിനിയായ ആരോഗ്യപ്രവർത്തക (23), കോഴിക്കോട് ജില്ലയിൽ ജോലി ചെയ്യുന്ന കണിയാമ്പറ്റ സ്വദേശിനിയായ ആരോഗ്യപ്രവർത്തക (26), മാനന്തവാടി ജില്ലാ ആശുപത്രിയിൽ പ്രസവത്തിന് അഡ്മിറ്റ് ചെയ്ത പേരിയ സ്വദേശിനി (24), ജൂലൈ 15 മുതൽ കോഴിക്കോട് മെഡിക്കൽ കോളജിൽ ചികിത്സയിലുള്ള ചുണ്ടേൽ സ്വദേശി (52), മെഡിക്കൽ കോളേജിൽ ചികിത്സ തേടിയ പുൽപ്പള്ളി സ്വദേശികളായ മൂന്ന് പേർ (37, 25, 15), പിതാവിന്റെ ചികിത്സയ്ക്ക് വേണ്ടി കോഴിക്കോട് മെഡിക്കൽ കോളേജിൽ കൂടെ നിന്ന പൊഴുതന സ്വദേശി (48), വാളാട് സമ്പർക്കത്തിലുള്ള ഒരു വീട്ടിലെ ഒമ്പത് പേർ ഉൾപ്പെടെ വാളാട് സ്വദേശികളായ 12 പേരും (6 പുരുഷന്മാരും 6 സ്ത്രീകളും) നാല് കുഞ്ഞോം സ്വദേശികളും (ഒരു കുടുംബത്തിലെ 65, 23, 13, 9 പ്രായക്കാർ) ഒരു എടവക സ്വദേശിനിയും എന്നിവർക്കാണ് ഇന്ന് രോഗം സ്ഥിരീകരിച്ചത്.
(വാളാടുമായി ബന്ധപ്പെട്ട് ആകെ 17 പേർ).

രോഗമുക്തി നേടിയവർ:

കുറുക്കൻമൂല (43, 47), മൂപ്പൈനാട് (37), കുപ്പാടിത്തറ (32), തൊണ്ടർനാട് (25, 49), മാനന്തവാടി (28, 2) സ്വദേശികളാണ് ഇന്ന് രോഗമുക്തി നേടിയത്.

ഇന്നലെ നിരീക്ഷണത്തിലായത് 162 പേർ

157 പേർ നിരീക്ഷണ കാലം പൂർത്തിയാക്കി

നിലവിൽ നിരീക്ഷണത്തിലുള്ളത് 2869 പേർ

391 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 611 പേരുടെ സാമ്പിളുകൾ

ഇതുവരെ അയച്ചത് 23012 സാമ്പിളുകൾ

ഫലം ലഭിച്ചത് 21807.

21087 നെഗറ്റീവ്, 720 പോസിറ്റീവ്