9 പേർക്ക് രോഗ മുക്തി

കൽപ്പറ്റ: വയനാട് ജില്ലയിൽ ഇന്നലെ 17 പേർക്ക് കൊവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ ഡോ.ആർ. രേണുക അറിയിച്ചു. എല്ലാവർക്കും സമ്പർക്കത്തിലൂടെയാണ് രോഗബാധ. 9 പേർ രോഗമുക്തി നേടി.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 737 ആയി. ഇതിൽ 354 പേർ രോഗ മുക്തരായി. ഒരാൾ മരണപ്പെട്ടു. നിലവിൽ 382 പേരാണ് ചികിത്സയിലുള്ളത്. 366 പേർ ജില്ലയിലും 16 പേർ ഇതര ജില്ലകളിലും ചികിത്സയിൽ കഴിയുന്നു.

രോഗം സ്ഥിരീകരിച്ചവർ:

വാളാട് സമ്പർക്കത്തിലുള്ള ആലാറ്റിൽ പുലച്ചിക്കുനി ആദിവാസി കോളനിയിലെ 11 പേർ (5 കുട്ടികളടക്കം 7 സ്ത്രീകളും 4 പുരുഷന്മാരും), ഒരു വെള്ളമുണ്ട സ്വദേശിനി (9), രണ്ട് പനമരം സ്വദേശിനികൾ (37, 3), കോഴിക്കോട് സ്വകാര്യ ആശുപത്രിയിൽ ചികിത്സയിലുള്ള പനമരം വാരാമ്പറ്റ സ്വദേശിനി (36), ബത്തേരി സമ്പർക്കത്തിലുള്ള ചെതലയം സ്വദേശി (49), കോഴിക്കോട് മെഡിക്കൽ കോളേജിൽ ജോലി ചെയ്യുന്ന അമ്പലവയൽ സ്വദേശിനിയായ ആരോഗ്യ പ്രവർത്തക (31) എന്നിവർക്കാണ് രോഗം സ്ഥിരീകരിച്ചത്.

രോഗമുക്തി നേടിയവർ:

മുള്ളൻകൊല്ലി (4), തൊണ്ടർനാട് (27), പൊരുന്നന്നൂർ (3,29), പൂതാടി(31), നൂൽപ്പുഴ(26), മീനങ്ങാടി (42), വെള്ളമുണ്ട (25) സ്വദേശികളും ചെർപ്പുളശ്ശേരി (29) സ്വദേശിയുമാണ് രോഗം ഭേദമായി ഡിസ്ചാർജ് ആയത്.

പുതുതായി നിരീക്ഷണത്തിലായത് 173 പേർ

167 പേർ നിരീക്ഷണ കാലം പൂർത്തിയാക്കി

നിലവിൽ നിരീക്ഷണത്തിലുള്ളത് 2875 പേർ

411 പേർ ആശുപത്രിയിൽ

ഇന്നലെ അയച്ചത് 733 സാമ്പിളുകൾ

ഇതുവരെ പരിശോധനയ്ക്ക് അയച്ചത് 23745

ഫലം ലഭിച്ചത് 22400

21680 നെഗറ്റീവും 737 പോസിറ്റീവും

പ്ലാസ്മ തെറാപ്പി വിജയം

രോഗമുക്തരായവരെ യാത്രയാക്കി

മാനന്തവാടി: ആരോഗ്യവകുപ്പിന് അഭിമാനനേട്ടമായി ജില്ലയിൽ പ്ലാസ്മ തെറാപ്പിയിലെ വിജയം. കൊവിഡ് രോഗ ബാധിതരായി കഴിഞ്ഞ മാസം 18 ന് ജില്ലാ ആശുപത്രിയിൽ പ്രവേശിപ്പിച്ച 2 പേർ പ്ലാസ്മ തെറാപ്പി ചികിത്സയിലൂടെ രോഗമുക്തരായി. തൊണ്ടർനാട് സ്വദേശി യു.ജിനീഷ് (30), സഹോദരൻ അനീഷ് (33) എന്നിവരാണ് രോഗമുക്തി നേടി വീട്ടിലേക്ക് മടങ്ങിയത്.

ജില്ലാ കലക്ടർ അദീല അബ്ദുള്ള പൂച്ചെണ്ടുകൾ നൽകി ഇരുവരെയും യാത്രയയച്ചു. ചികിത്സയിലെ വിജയം ആരോഗ്യ വകുപ്പിന്റെ പൊൻതൂവലാണെന്ന് ജില്ലാ കലക്ടർ പറഞ്ഞു. മാനന്തവാടി ജില്ലാ ആശുപത്രി ബ്ലഡ് ബാങ്കിലാണ് കഴിഞ്ഞ മാസം പ്ലാസ്മ ബാങ്ക് തുടങ്ങിയത്. സംസ്ഥാനത്ത് ആദ്യമായാണ് ജില്ലാ ആശുപത്രിയിൽ പ്ലാസ്മ ബാങ്ക്, പ്ലാസ്മ തെറാപ്പി ആരംഭിച്ചത്.

ഇതുവരെ 15 പേരുടെ പ്ലാസ്മ എടുത്തതിൽ കൊവിഡ് രോഗികളായ മൂന്ന് പേർക്ക് പ്ലാസ്മ തെറാപ്പി നൽകി. ഇതിൽ രോഗമുക്തി നേടിയ 2 പേരാണ് ഇന്നലെ ആശുപത്രി വിട്ടത്. യാത്രയയപ്പിൽ ജില്ലാ മെഡിക്കൽ ഓഫീസർ ഡോ.ആർ.രേണുക, കൊവിഡ് നോഡൽ ഓഫീസർ ഡോ. പി.ചന്ദ്രശേഖരൻ, ജില്ലാ ആശുപത്രി സൂപ്രണ്ട് ഡോ.ദിനേഷ് കുമാർ, പ്ലാസ്മ തെറാപ്പിക്ക് നേതൃത്വം നൽകിയ ഡോ.സജേഷ്, ബ്ലഡ് ബാങ്ക് മെഡിക്കൽ ഓഫീസർ ഡോ.വിനിജമെറിൻ, ആർ.എം.ഒ.ഡോ. സി.സക്കീർ എന്നിവർ പങ്കാളികളായി.

(ചിത്രം)

ജില്ലാ ഹോസ്പിറ്റലിൽ നിന്ന് പ്ലാസ്മ തെറാപ്പി ചികിത്സയിലൂടെ രോഗം മാറിയവരെ ജില്ലാ കലക്ടർ ഡോ. അദീല അബ്ദുള്ളയുടെ നേതൃത്വത്തിൽ യാത്രയാക്കുന്നു