കൽപ്പറ്റ: കൊവിഡ് വ്യാപനം രൂക്ഷമായ തവിഞ്ഞാൽ പഞ്ചായത്തിൽ സ്ഥിതിഗതികൾ നിയന്ത്രണ വിധേയമാക്കുന്നതിന്റെ ഭാഗമായി ആഗസ്റ്റ് 12 മുതൽ 18 വരെ സി.ആർ.പി.സി സെക്‌ഷൻ 144 (1), (2), (3) പ്രകാരം ജില്ലാ കലക്ടർ ഡോ. അദീല അബ്ദുല്ല നിരോധനാജ്ഞ പുറപ്പെടുവിച്ചു.

പൊതുസ്ഥലത്ത് ഒരു സമയത്ത് അഞ്ചിൽ കൂടുതൽ ആളുകൾ ഒരുമിച്ച് കൂടൽ, എല്ലാ സാംസ്‌കാരിക, മത ചടങ്ങുകളും ആഘോഷ പരിപാടികളും, എല്ലാ ആരാധനാ കേന്ദ്രങ്ങളിലെയും ഒരുമിച്ച്‌ ചേരലും ഗ്രൂപ്പ് മത്സരങ്ങളും ടൂർണമെന്റുകളും ഗ്രൗണ്ടിലെ കളികളും, പ്രകടനങ്ങൾ, ആദിവാസി കോളനികളിലേക്കുള്ള പ്രവേശനം എന്നി​വ ഈ കാലയളവിൽ കർശനമായി നിരോധിച്ചിട്ടുണ്ട്.
വിവാഹം, ഗൃഹപ്രവേശം മുതലായ ചടങ്ങുകൾ (ശവ സംസ്‌കാര ചടങ്ങുകൾ ഒഴികെ പരമാവധി അഞ്ചു പേർക്ക് പങ്കെടുക്കാം).

കണ്ടെയ്ൻമെന്റ് സോണുകളുമായി ബന്ധപ്പെട്ട് ജില്ലാ ഭരണകൂടം ഇറക്കിയ ഉത്തരവുകൾക്കും ഇതോടൊപ്പം പ്രാബല്യമുണ്ടായിരിക്കും.