13 പേർക്ക് സമ്പർക്കത്തിലൂടെ

കൽപ്പറ്റ: വയനാട് ജില്ലയിൽ ഇന്നലെ 17 പേർക്ക് കൊവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ ഡോ.ആർ. രേണുക അറിയിച്ചു. ബംഗളുരുവിൽ നിന്നെത്തിയ 4 പേർക്കും സമ്പർക്കത്തിലൂടെ 13 പേർക്കുമാണ് രോഗം സ്ഥിരീകരിച്ചത്. 12 പേർ രോഗമുക്തി നേടി.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 1210 ആയി. ഇതിൽ 878 പേർ രോഗമുക്തരായി. ചികിത്സയ്ക്കിടെ അഞ്ചു പേർ പേർ മരണപ്പെട്ടു. 327 പേരാണ് ഇപ്പോൾ ചികിത്സയിലുള്ളത്. 316 പേർ ജില്ലയിലും 11 പേർ ഇതര ജില്ലകളിലും ചികിത്സയിൽ കഴിയുന്നു.

രോഗം സ്ഥിരീകരിച്ചവർ:

കർണാടകയിൽ നിന്ന് വന്ന നാലു പേർ:
ഓഗസ്റ്റ് 16ന് ബംഗളുരുവിൽ നിന്ന് വന്ന മാനന്തവാടി സ്വദേശി (48), ബത്തേരി സ്വദേശി (34), ഓഗസ്റ്റ് 7 ന് ബംഗളുരുവിൽ നിന്ന് വന്ന കൽപ്പറ്റ സ്വദേശി (24), വൈത്തിരി സ്വദേശിയായ ജവാൻ (48).

സമ്പർക്കത്തിലൂടെ 13 പേർ:
മൃഗസംരക്ഷണ വകുപ്പിൽ ഡോക്ടറായ ചെതലയം സ്വദേശി (50), പടിഞ്ഞാറത്തറ സമ്പർക്കത്തിലുള്ള കാരക്കാമല സ്വദേശികളായ രണ്ടുപേർ (18,19), മേപ്പാടി സമ്പർക്കത്തിലുള്ള നാല് ചൂരൽമല സ്വദേശികൾ (19, 55, 60, 64), ഒരു കൽപ്പറ്റ സ്വദേശി (40), കോഴിക്കോട് മെഡിക്കൽ കോളേജിൽ ചികിത്സയ്ക്കു പോയ തലപ്പുഴ ഗോദാവരി കോളനി സ്വദേശികൾ (45, 40), കോഴിക്കോട് മെഡിക്കൽ കോളേജിൽ സഹോദരന്റെ ചികിത്സാവശ്യാർത്ഥം പോയി വന്ന മാനന്തവാടി കണിയാരം സ്വദേശി (20), ബേഗൂർ സമ്പർക്കത്തിലുള്ള കാട്ടിക്കുളം സ്വദേശി (58), വാളാട് സമ്പർക്കത്തിലുള്ള വെള്ളമുണ്ട സ്വദേശി (50) എന്നിവർക്കാണ് സമ്പർക്കത്തിലൂടെ രോഗം പിടിപെട്ടത്.

12 പേർക്ക് രോഗമുക്തി

വാളാട് സ്വദേശികളായ 5 പേരും പടിഞ്ഞാറത്തറ, മുട്ടിൽ, ബത്തേരി, തേറ്റമല, മാനന്തവാടി, നല്ലൂർനാട്, കൽപ്പറ്റ സ്വദേശികളായ ഓരോരുത്തരുമാണ് രോഗം ഭേദമായി ആശുപത്രി വിട്ടത്.

144 പേർ കൂടി നിരീക്ഷണത്തിൽ

294 പേർ നിരീക്ഷണ കാലം പൂർത്തിയാക്കി

നിലവിൽ നിരീക്ഷണത്തിലുള്ളത് 2634 പേർ

371 പേർ ആശുപത്രിയിൽ

ഇന്നലെ അയച്ചത് 965 സാമ്പിളുകൾ

ഇതുവരെ അയച്ചത് 35519 സാമ്പിളുകൾ

ഫലം ലഭിച്ചത് 34328

33118 നെഗറ്റീവും 1210 പോസിറ്റീവും