15 പേർക്ക് സമ്പർക്കത്തിലൂടെ രോഗബാധ

ജില്ലയിൽ രോഗം ബാധിച്ചവർ 1271

946 പേർ രോഗമുക്തരായി

കൽപ്പറ്റ: വയനാട് ജില്ലയിൽ ഇന്നലെ പേർക്ക് കോവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ ഡോ.ആർ. രേണുക അറിയിച്ചു. രണ്ട് ആരോഗ്യ പ്രവർത്തകർ ഉൾപ്പെടെ 15 പേർക്ക് സമ്പർക്കത്തിലൂടെയാണ് രോഗബാധ. ഇതിൽ ഒരാളുടെ ഉറവിടം വ്യക്തമല്ല. 44 പേർ ഇന്ന് രോഗമുക്തി നേടി.
ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 1271 ആയി. ഇതിൽ 946 പേർ രോഗമുക്തരായി. 318 പേരാണ് ഇപ്പോൾ ചികിത്സയിലുള്ളത്. 309 പേർ ജില്ലയിലും 9 പേർ ഇതര ജില്ലകളിലും ചികിത്സയിൽ കഴിയുന്നു.

രോഗം സ്ഥിരീകരിച്ചത്:

ബത്തേരി സ്വകാര്യ ആശുപത്രിയിൽ ജോലിചെയ്യുന്ന പുൽപ്പള്ളി സ്വദേശി (31), ബത്തേരിയിലെ മൃഗാശുപത്രിയിൽ ജോലിചെയ്യുന്ന ലാബ് ടെക്നീഷ്യൻ (27), പുൽപ്പള്ളിയിലെ ആരോഗ്യ പ്രവർത്തകയുടെ സമ്പർക്കത്തിലുള്ള രണ്ടു പേർ (37, 3), കോട്ടത്തറ സമ്പർക്കത്തിലുള്ള കോട്ടത്തറ സ്വദേശി (43), മേപ്പാടി സമ്പർക്കത്തിലുള്ള അട്ടമല സ്വദേശി (21), വാളാട് സമ്പർക്കത്തി ലുള്ള വാളാട് സ്വദേശികൾ (36, 33, 19, 3,), പൂതാടി സമ്പർക്കത്തിലുള്ള അമ്പലപ്പടി (20) ചീയമ്പം (15) സ്വദേശികൾ, ഉറവിടം വ്യക്തമല്ലാത്ത വേങ്ങപ്പള്ളി സ്വദേശി (40), ബേഗൂർ സമ്പർക്കത്തിൽ ഉള്ള കാട്ടിക്കുളം സ്വദേശികളായ രണ്ടുപേർ (32, 50), വാരാമ്പറ്റ സ്വദേശിനി (39), ഇളമ്പിലശ്ശേരി സ്വദേശി (50), മഞ്ഞൂറ സ്വദേശിനി (28), ഓഗസ്റ്റ് 20 ന് മൈസൂരിൽ നിന്നെത്തിയ മേപ്പാടി സ്വദേശിയായ ട്രക്ക് ഡ്രൈവർ (48), ആഗസ്റ്റ് 19 ന് കർണാടകയിൽ നിന്ന് വന്ന ചുള്ളിയോട് സ്വദേശികൾ (56, 24), ഓഗസ്റ്റ് 20 ന് തമിഴ്നാട്ടിൽ നിന്ന് വന്ന തമിഴ്നാട് സ്വദേശി (58), ഓഗസ്റ്റ് 20 ന് കർണാടകയിൽ നിന്ന് വന്ന കർണാടക സ്വദേശിയായ ലോറി ഡ്രൈവർ (38), ഓഗസ്റ്റ് 11 ന് ദുബൈയിൽ നിന്നെത്തിയ സുഗന്ധഗിരി സ്വദേശി (21), ഓഗസ്റ്റ് 3 ന് സൗദി അറേബ്യയിൽ നിന്ന് വന്ന തൃക്കൈപ്പറ്റ സ്വദേശികൾ (24, 5).

രോഗമുക്തർ:

വാളാട് സ്വദേശികളായ 7 പേർ, കെല്ലൂർ സ്വദേശികളായ 7 പേർ, കാരക്കമൂല, പുതുശ്ശേരി കടവ്, കാക്കവയൽ 3 പേർ വീതം, അഞ്ചാംപീടിക, പെരിക്കല്ലൂർ, കൽപ്പറ്റ, ചെറ്റപ്പാലം, നല്ലൂർനാട്, മുട്ടിൽ സ്വദേശികളായ 2പേർ വീതം, നൂൽപ്പുഴ, കുമ്പളേരി, പുൽപ്പള്ളി, ബത്തേരി, വെങ്ങപ്പള്ളി, കോട്ടത്തറ, കുഞ്ഞോം, മേപ്പാടി സ്വദേശികളായ ഓരോരുത്തരും ഒരു എറണാകുളം സ്വദേശിയുമാണ് രോഗം ഭേദമായി ആശുപത്രി വിട്ടത്.

ഇന്നലെ നിരീക്ഷണത്തിലായത് 472 പേർ

225 പേർ നിരീക്ഷണ കാലം പൂർത്തിയാക്കി

നിലവിൽ നിരീക്ഷണത്തിലുള്ളത് 3300 പേർ

368 പേർ ആശുപത്രിയിൽ

ഇന്നലെ അയച്ചത് 1496 സാമ്പിളുകൾ

ഇതുവരെ അയച്ചത് 38421. ഫലം ലഭിച്ചത് 36866

35596 നെഗറ്റീവും 1270 പോസിറ്റീവും