23 പേർക്ക് സമ്പർക്കത്തിലൂടെ രോഗബാധ

കൽപ്പറ്റ: വയനാട് ജില്ലയിൽ ഇന്നലെ 25 പേർക്ക് കൊവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ ഡോ.ആർ. രേണുക അറിയിച്ചു. ഒരു ആരോഗ്യ പ്രവർത്തക ഉൾപ്പെടെ 23 പേർക്ക് സമ്പർക്കത്തിലൂടെയാണ് രോഗബാധ. 52 പേർ ഇന്നലെ രോഗമുക്തി നേടി.
ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 1296 ആയി. ഇതിൽ 1004 പേർ രോഗമുക്തരായി. 285 പേരാണ് ഇപ്പോൾ ചികിത്സയിലുള്ളത്. 278 പേർ ജില്ലയിലും 7 പേർ ഇതര ജില്ലകളിലും ചികിത്സയിൽ കഴിയുന്നു.

രോഗം സ്ഥിരീകരിച്ചവർ:

ആഗസ്റ്റ് 6 ന് ഷാർജയിൽ നിന്ന് വന്ന വെങ്ങപ്പള്ളി സ്വദേശി (50), സംസ്ഥാനത്തിന് പുറത്ത് നിന്ന് വന്ന ലോറി ഡ്റൈവറായ ചെതലയം മണിച്ചിറ സ്വദേശി (51), മലപ്പുറം ജില്ലയിൽ ജോലി ചെയ്യുന്ന വെള്ളമുണ്ട സ്വദേശിനിയായ ആരോഗ്യപ്രവർത്തക (32), പുത്തൻകുന്ന് സ്വദേശി (46), ബേഗൂർ സമ്പർക്കത്തിലുള്ള കാട്ടിക്കുളം സ്വദേശിനി (47), രണ്ട് എടവക സ്വദേശികൾ (പുരുഷൻ32, സ്ത്രീ 50), ചീരാൽ ആരോഗ്യ പ്രവർത്തകയുടെ സമ്പർക്കത്തിലുള്ള രണ്ട് ബത്തേരി സ്വദേശികൾ (പുരുഷൻ 69, സ്ത്രീ 45), മേപ്പാടി സമ്പർക്കത്തിലുള്ള അട്ടമല സ്വദേശി (62), കൽപ്പറ്റ മഞ്ഞളംകൊല്ലി സ്വദേശി (47), പരിയാരം സ്വദേശി (35), അഞ്ച് കോണാർകാട് സ്വദേശികൾ (പുരുഷന്മാർ 32, 55, സ്ത്രീകൾ 44, 15, കുട്ടി 3), പടിഞ്ഞാറത്തറ സമ്പർക്കത്തിലുള്ള മൂന്ന് മുണ്ടക്കുറ്റി സ്വദേശികൾ (പുരുഷൻ 42, സ്ത്രീ 24, കുട്ടി 4), മെഡിക്കൽ കോളേജിൽനിന്ന് തിരികെ എത്തിയ ആളുടെ സമ്പർക്കത്തിലുള്ള പാക്കം സ്വദേശിനി (60), ലോറി ഡൈ്റവറുടെ സമ്പർക്കത്തിലുള്ള ചീരാൽ സ്വദേശികൾ (പുരുഷൻ 39, സ്ത്രീ 60), മലപ്പുറം സമ്പർക്കത്തിലുള്ള കുപ്പാടിത്തറ സ്വദേശി (42), കണ്ണൂർ സമ്പർക്കത്തിലുളള നെന്മേനി മാക്കുറ്റി സ്വദേശി (45) എന്നിവരാണ് രോഗം സ്ഥിരീകരിച്ച് ആശുപത്രിയിൽ അഡ്മിറ്റ് ആയത്.

രോഗമുക്തരാ​യവർ:

വാളാട് സ്വദേശികൾ 17, മുണ്ടക്കുറ്റി സ്വദേശികൾ 11, കരണി സ്വദേശികൾ 6, നല്ലൂർനാട് സ്വദേശികൾ 4, അമ്പലവയൽ സ്വദേശികൾ 2, ചെറ്റപ്പാലം സ്വദേശികൾ 2, കൽപ്പറ്റ, പുതുശ്ശേരി, കുമ്പളേരി, ചാത്തോത്ത് വയൽ, കോട്ടത്തറ, തരുവണ, മാനന്തവാടി, മേപ്പാടി, ബത്തേരി സ്വദേശികളായ ഓരോരുത്തർ, ഒരു കണ്ണൂർ സ്വദേശി എന്നിവരാണ് രോഗം ഭേദമായി ആശുപത്രി വിട്ടത്.

ഇന്നലെ നിരീക്ഷണത്തിലായത് 501 പേർ

178 പേർ നിരീക്ഷണ കാലം പൂർത്തിയാക്കി

നിലവിൽ നിരീക്ഷണത്തിലുള്ളത് 3653 പേർ

368 പേർ ആശുപത്രിയിൽ

ഇന്നലെ അയച്ചത്1492സാമ്പിളുകൾ

ഇതുവരെ അയച്ചത് 39913 സാമ്പിളുകൾ

ഫലം ലഭിച്ചത് 38368. 37073 നെഗറ്റീവും 1296 പോസിറ്റീവും