മാവൂർ: മാവൂർ ഗവ. ഹയർസെക്കൻഡറി സ്‌കൂളിനായി നിർമ്മിക്കുന്ന കെട്ടിടത്തിന്റെ ശിലാസ്ഥാപനം പി.ടി.എ റഹീം എം.എൽ.എ നിർവഹിച്ചു. പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി അനുവദിച്ച 1.35 കോടി രൂപ ചെലവിലാണ് കെട്ടിടം നിർമ്മിക്കുന്നത്. മൂന്ന് നിലകളുള്ള കെട്ടിടത്തിൽ ആറ് ക്ലാസ് റൂമുകളും എല്ലാ നിലകളിലും ടോയ്‌ലറ്റുകളും ഉണ്ടാവും. പരിപാടിയിൽ ജില്ലാ പഞ്ചായത്ത് പ്രസിഡന്റ് ബാബു പറശ്ശേരി അദ്ധ്യക്ഷത വഹിച്ചു. ജില്ലാ പഞ്ചായത്ത് വൈസ് പ്രസിഡന്റ് റീന മുണ്ടേണ്ടാട്, ബ്ലോക്ക് പഞ്ചായത്ത് പ്രസിഡന്റ് സുനിത പൂതക്കുഴിയിൽ, ബ്ലോക്ക് പഞ്ചായത്ത് മെമ്പർ രവികുമാർ പനോളി, മുൻ ഗ്രാമപഞ്ചായത്ത് പ്രസിഡന്റ് എം. ധർമ്മജൻ, ഗ്രാമപഞ്ചായത്ത് മെമ്പർ രാജി ചെറുതൊടുകയിൽ, ഹെഡ് മാസ്റ്റർ പി. മുഹമ്മദലി, പ്രിൻസിപ്പൽ ടി.എം ഷൈലജാ ദേവി പി.ടി.എ പ്രസിഡന്റ് എൻ. സുരേഷ് എന്നിവർ സംസാരിച്ചു. പൊതുമരാമത്ത് കെട്ടിട വിഭാഗം എക്‌സി. എൻജിനിയർ കെ. ലേഖ റിപ്പോർട്ട് അവതരിപ്പിച്ചു.