23 പേർക്ക് സമ്പർക്കത്തിലൂടെ

കൽപ്പറ്റ: വയനാട് ജില്ലയിൽ ഇന്നലെ 25 പേർക്ക് കൊവിഡ് സ്ഥിരീകരിച്ചു. 23 പേർക്ക് സമ്പർക്കത്തിലൂടെയാണ് രോഗബാധ. ഇവരിൽ ഒരാൾ ആരോഗ്യ പ്രവർത്തകയാണ്. ഇതര സംസ്ഥാനത്ത് നിന്നെത്തിയവരാണ് മറ്റ് രണ്ട് പേർ. 43 പേർ രോഗമുക്തി നേടി.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 1418 ആയി. ഇതിൽ 1175 പേർ രോഗമുക്തരായി. 235 പേരാണ് ഇപ്പോൾ ചികിത്സയിലുള്ളത്. 226 പേർ ജില്ലയിലും 9 പേർ ഇതര ജില്ലകളിലും ചികിത്സയിൽ കഴിയുന്നു.

രോഗം സ്ഥിരീകരിച്ചവർ:

ഓഗസ്റ്റ് 23 ന് ബംഗളുരുവിൽ നിന്നു തിരിച്ചെത്തിയ പനമരം സ്വദേശി (25), മൈസൂർ സ്വദേശിയായ ടാക്സിഡ്രൈവർ (24), കോഴിക്കോട് മെഡിക്കൽ കോളേജിൽ ജോലി ചെയ്യുന്ന മക്കിയാട് സ്വദേശിനി (24), മൂപ്പൈനാട് സമ്പർക്കത്തിലുള്ള മൂപ്പൈനാട് സ്വദേശികൾ സ്ത്രീ (27), കുട്ടികൾ (11, 3), മുണ്ടക്കൈ സ്വദേശി (23), ചുള്ളിയോട് സമ്പർക്കത്തിലുള്ള ചുള്ളിയോട് സ്വദേശികൾ പുരുഷൻ (22), സ്ത്രീ (48), ചീരാൽ സ്വദേശികൾ പുരുഷന്മാർ (33,57), ചീരാൽ സമ്പർക്കത്തിലുള്ള
ചീരാൽ സ്വദേശികൾ പുരുഷന്മാർ (21,13), സ്ത്രീ (14), ബത്തേരി സമ്പർക്കത്തിലുള്ള ഫെയർലാൻഡ് സ്വദേശികൾ (8,1), പുൽപ്പള്ളി സമ്പർക്കത്തിലുള്ള ചെറ്റപ്പാലം സ്വദേശി (21), ബസ് കണ്ടക്ടറുടെ സമ്പർക്കത്തിലുള്ള കോട്ടത്തറ മെച്ചന സ്വദേശി (21), ചൂരൽമല സമ്പർക്കത്തിലുള്ള മുണ്ടക്കൈ സ്വദേശികൾ (35,38), മൂന്നാനക്കുഴി സമ്പർക്കത്തിലുള്ള വാഴവറ്റ സ്വദേശി (38), പൊലീസ് ഉദ്യോഗസ്ഥന്റെ സമ്പർക്കത്തിലുള്ള മുട്ടിൽ സ്വദേശികൾ സ്ത്രീകൾ (43, 61), ചെതലയം ബാങ്ക് ജീവനക്കാരന്റെ സമ്പർക്കത്തിലുള്ള മൂലങ്കാവ് സ്വദേശികൾ പുരുഷന്മാർ (54, 29).

രോഗമുക്തി നേടിയത്

മേപ്പാടി സ്വദേശികൾ 7, ചൂരൽമല സ്വദേശികൾ 6, മുണ്ടക്കൈ, പടിഞ്ഞാറത്തറ സ്വദേശികൾ 5 വീതം, കാട്ടിക്കുളം സ്വദേശികൾ 3, വടുവഞ്ചാൽ സ്വദേശികൾ 2, റിപ്പൺ, മുണ്ടക്കുറ്റി, തലപ്പുഴ, വാളാട്, ബീനാച്ചി, മൂപ്പൈനാട്, വൈത്തിരി, കണിയാരം, സുൽത്താൻബത്തേരി, ചീരാൽ, കൽപ്പറ്റ , അമ്പലവയൽ എന്നിവിടങ്ങളിലെ ഓരോരുത്തർ വീതവും തമിഴ്നാട് സ്വദേശികളായ 2 പേരും ഒരു ബംഗളുരു സ്വദേശിയുമാണ് ടെസ്റ്റ് റിസൾട്ട് നെഗറ്റീവ് ആയതിനെ തുടർന്ന് ആശുപത്രി വിട്ടത്.

ഇന്നലെ നിരീക്ഷണത്തിലായത് 276 പേർ

260 പേർ നിരീക്ഷണ കാലം പൂർത്തിയാക്കി

നിലവിൽ നിരീക്ഷണത്തിലുള്ളത് 3862 പേർ

299 പേർ ആശുപത്രിയിൽ

ഇന്നലെ അയച്ചത് 1126 സാമ്പിളുകൾ

ഇതുവരെ അയച്ചത് 45248 സാമ്പിളുകൾ

ഫലം ലഭിച്ചത് 43084

41666 നെഗറ്റീവും 1418 പോസിറ്റീവും