13 പേർക്ക് സമ്പർക്കത്തിലൂടെ രോഗബാധ

കൽപ്പറ്റ: വയനാട് ജില്ലയിൽ ഇന്നലെ 19 പേർക്ക് കൊവിഡ് സ്ഥിരീകരിച്ചു. 13 പേർക്ക് സമ്പർക്കത്തിലൂടെയാണ് രോഗബാധ. ഇവരിൽ ഒരാളുടെ ഉറവിടം വ്യക്തമല്ല.
നാല് പേർ ഇതര സംസ്ഥാനത്ത് നിന്നും രണ്ട് പേർ വിദേശത്ത് നിന്നും എത്തിയവരാണ്. 8 പേർ രോഗമുക്തി നേടി.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 1437 ആയി. ഇതിൽ 1183 പേർ രോഗമുക്തരായി. 245 പേരാണ് ഇപ്പോൾ ചികിത്സയിലുള്ളത്.

രോഗം സ്ഥിരീകരിച്ചവർ:

കർണാടക സ്വദേശികളായ രണ്ട് ലോറി ഡ്രൈവർമാർ (32, 28), ലഡാക്കിൽ നിന്ന് വന്ന മിലിട്ടറി ഉദ്യോഗസ്ഥനായ മാനന്തവാടി കണിയാരം സ്വദേശി (24), ഹൈദരാബാദിൽ നിന്ന് വന്ന പേരിയ സ്വദേശി (30).

ഒമാനിൽ നിന്ന് വന്ന ബത്തേരി സ്വദേശി (35), ഓഗസ്റ്റ് 23 ന് സൗദി അറേബ്യയിൽ നിന്ന് വന്ന തലപ്പുഴ സ്വദേശി (54).

സമ്പർക്കം വഴി:
കൽപ്പറ്റ ജ്വല്ലറി ജീവനക്കാരന്റെ സമ്പർക്കത്തിലുള്ള കോഴിക്കോട് സ്വദേശി (42), ചൂരൽമല സമ്പർക്കത്തിലുള്ള ചൂരൽമല സ്വദേശി (20), മേപ്പാടി സ്വദേശിനി (19), ബത്തേരി സമ്പർക്കത്തിലുള്ള ബീനാച്ചി സ്വദേശി (21), ചെതലയം സമ്പർക്കത്തിലുള്ള ചെതലയം സ്വദേശികളായ മൂന്ന് സ്ത്രീകൾ (33, 73, 11), പടിഞ്ഞാറത്തറ സമ്പർക്കത്തിലുള്ള മുണ്ടക്കുറ്റി സ്വദേശികളായ ഒരു സ്ത്രീ (21), ഒരു പുരുഷൻ (52), കോട്ടത്തറ ബസ് കണ്ടക്ടറുടെ സമ്പർക്കത്തിലുള്ള മെച്ചന സ്വദേശി (50), വാളാട് സമ്പർക്കത്തിലുള്ള 12 വയസ്സ് പ്രായമുള്ള രണ്ട് വാളാട് സ്വദേശികൾ, സമ്പർക്ക ഉറവിടം അറിയാത്ത പൊഴുതന സ്വദേശി (38).

രോഗമുക്തർ

ചൂരൽമല സ്വദേശികളായ മൂന്ന് പേരും വാരാമ്പറ്റ, റിപ്പൺ, പൂതാടി, കാരക്കാമല സ്വദേശികളായ ഓരോരുത്തരും, ഒരു കോഴിക്കോട് സ്വദേശിയുമാണ് രോഗം ഭേദമായതിനെ തുടർന്ന് ആശുപത്രി വിട്ടത്.

ഇന്നലെ നിരീക്ഷണത്തിലായത് 184 പേർ

263 പേർ നിരീക്ഷണ കാലം പൂർത്തിയാക്കി

നിലവിൽ നിരീക്ഷണത്തിൽ 3783 പേർ

316 പേർ ആശുപത്രിയിൽ

ഇന്നലെ അയച്ചത് 823 സാമ്പിളുകൾ

ഇതുവരെ അയച്ചത് 46,071 സാമ്പിളുകൾ

43,690 പേരുടെ ഫലം ലഭിച്ചു

42,253 നെഗറ്റീവും 1437 പോസിറ്റീവും

കണ്ടൈൻമെന്റ് സോൺ ഒഴിവാക്കി

മേപ്പാടി ഗ്രാമ പഞ്ചായത്തിലെ 1,2,3,4,5,6,9,10,13,14,16,17,18,20 വാർഡുകളും മൂപ്പൈനാട് ഗ്രാമ പഞ്ചായത്തിലെ 1,2,3,4,6,7,8,9,10,11,12,13,14 എന്നീ വാർഡുകളും കണ്ടൈൻമെന്റ് പരിധിയിൽ നിന്ന് ഒഴിവാക്കിയതായി ജില്ലാ കളക്ടർ അറിയിച്ചു.