20 പേർക്ക് സമ്പർക്കത്തിലൂടെ

കൽപ്പറ്റ: വയനാട് ജില്ലയിൽ ഇന്നലെ 21 പേർക്ക് കോവിഡ് സ്ഥിരീകരിച്ചു. 20 പേർക്ക് സമ്പർക്കത്തിലൂടെയാണ് രോഗബാധ.
ഒരാൾ ഇതര സംസ്ഥാനത്ത് നിന്ന് എത്തിയതാണ്. 38 പേർ രോഗമുക്തി നേടി.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ ആകെ എണ്ണം 1458 ആയി. ഇതിൽ 1221 പേർ രോഗമുക്തരായി. 228 പേരാണ് ഇപ്പോൾ ചികിത്സയിലുള്ളത്.

രോഗം സ്ഥിരീകരിച്ചവർ:

മൂലങ്കാവ് ബാങ്ക് ജീവനക്കാരന്റെ സമ്പർക്കത്തിലുള്ള മൂലങ്കാവ് സ്വദേശി (31), പുൽപ്പള്ളി സമ്പർക്കത്തിലുള്ള പുൽപ്പള്ളി ചെറ്റപ്പാലം സ്വദേശി (26), ചെതലയം സമ്പർക്കത്തിലുള്ള ബീനാച്ചി സ്വദേശി (21), മീനങ്ങാടി ഇലക്ട്രിക്കൽ ഷോപ്പിലെ ജീവനക്കാരായ മീനങ്ങാടി സ്വദേശികളായ 8 പേർ ( 25, 21, 30, 41, 31,28, 31, 30), ചരക്ക് വാഹന ഡ്രൈവറായ വാഴവറ്റ സ്വദേശി (29), വെങ്ങപ്പള്ളി സമ്പർക്കത്തിലുള്ള പിണങ്ങോട് സ്വദേശികൾ (35, 30), ബേഗൂർ സമ്പർക്കത്തിലുള്ള തൃശ്ശിലേരി സ്വദേശികൾ (32, 82), ബംഗളുരുവിൽ നിന്ന് എത്തിയ പിതാവിന്റെ സമ്പർക്കത്തിലുള്ള വൈത്തിരി സ്വദേശിനി (13), മുട്ടിൽ സമ്പർക്കത്തിലുള്ള മുട്ടിൽ സ്വദേശികളായ മൂന്നു പേർ (70,32,22) എന്നിവർക്ക് സമ്പർക്കത്തിലൂടെയും ഓഗസ്റ്റ് 27ന് കോയമ്പത്തൂരിൽ നിന്ന് എത്തിയ മേപ്പാടി സ്വദേശി 22 കാരിക്കുമാണ് രോഗം സ്ഥിരീകരിച്ചത്.

രോഗമുക്തി നേടിയത്:

ചൂരൽമല സ്വദേശികളായ ഏഴ് പേർ, വാളാട്, കോളിയാടി സ്വദേശികളായ അഞ്ച് പേർ വീതം, ചുള്ളിയോട്, വെള്ളമുണ്ട, ബത്തേരി സ്വദേശികളായ രണ്ടു പേർ വീതം, അമ്പലവയൽ, പടിഞ്ഞാറത്തറ, പുൽപ്പള്ളി, കുമ്പളേരി, കുപ്പാടി, മുണ്ടക്കുറ്റി, മീനങ്ങാടി, മുണ്ടക്കൈ, കോട്ടത്തറ, മാനന്തവാടി, കാട്ടിക്കുളം, തലപ്പുഴ, വെങ്ങപ്പള്ളി, വാകേരി, ചെന്നലോട് സ്വദേശികളായ ഓരോരുത്തരുമാണ് രോഗം ഭേദമായതിനെ തുടർന്ന് ആശുപത്രി വിട്ടത്.

ഇന്നലെ നിരീക്ഷണത്തിലായത് 296 പേർ

297 പേർ നിരീക്ഷണ കാലം പൂർത്തിയാക്കി

നിലവിൽ നിരീക്ഷണത്തിലുള്ളത് 3782 പേർ

293 പേർ ആശുപത്രിയിൽ നിരീക്ഷണത്തിൽ

ഇന്നലെ അയച്ചത് 710 സാമ്പിളുകൾ

ഇതുവരെ അയച്ചത് 49013 സാമ്പിളുകൾ

ഫലം ലഭിച്ചത് 46826

45368 നെഗറ്റീവും 1458 പോസിറ്റീവും

കണ്ടൈൻമെന്റ് സോൺ ഒഴിവാക്കി

പുൽപ്പള്ളി ഗ്രാമ പഞ്ചായത്തിലെ വാർഡ് 12, അമ്പലവയൽ ഗ്രാമ പഞ്ചായത്തിലെ വാർഡ് 5 എന്നിവയെ കണ്ടൈൻമെന്റ് സോൺ പരിധിയിൽ നിന്ന് ഒഴിവാക്കി.

മൈക്രോ കണ്ടൈൻമെന്റ് സോൺ

പൊഴുതന ഗ്രാമ പഞ്ചായത്തിലെ വാർഡ് 5 ലെ അമ്മാറ,
ആനോത്ത്, ആണിവയൽ പ്രദേശവും , 9, 10, 13 എന്നീ വാർഡുകളിൽ ഉൾപ്പെടുന്ന കറുകന്തോട്, വേങ്ങാത്തോട് പ്രദേശം പൂർണ്ണമായും, വാർഡ് 10 ലെ പൊഴുതന ടൗൺ പ്രദേശവും മൈക്രോ കണ്ടൈൻമെന്റ് സോണുകളായി ജില്ലാ കളക്ടർ പ്രഖ്യാപിച്ചു.