പേരാമ്പ്ര: മേപ്പയ്യൂർ പഞ്ചായത്തിലെ ചോതയോത്ത് അംഗൻവാടി കെട്ടിടത്തിന്റെ ശിലാസ്ഥാപനം പഞ്ചായത്ത് പ്രസിഡന്റ് പി.കെ റീന നിർവഹിച്ചു. വൈസ് പ്രസിഡന്റ് കെ.ടി. രാജൻ അദ്ധ്യക്ഷത വഹിച്ചു. കെ.പി രാമചന്ദ്രൻ, പി.കെ. ശങ്കരൻ, പി.കെ. അനീഷ്,​ പി. പങ്കജാക്ഷൻ, കെ. ആദർശ് എന്നിവർ സംസാരിച്ചു. യൂസഫ് കോറോത്ത് സ്വാഗതവും കെ. ശോഭന നന്ദിയും പറഞ്ഞു. ചോതയോത്ത് നാരായണൻ സൗജന്യമായി നൽകിയ സ്ഥലത്ത് കെട്ടിടം നിർമ്മിക്കാൻ രാവറ്റമംഗലം ലേബർ കോൺട്രാക്ട് സൊസൈറ്റിയാണ് കരാർ ഏറ്റെടുത്തത്.