കോട്ടയം: എക്‌സൈസ് വകുപ്പിന്റെ നേതൃത്വത്തിൽ ഓണം സ്‌പെഷ്യൽ ഡ്രൈവ് പരിശോധന ആരംഭിച്ചു. ജില്ലാ കളക്ടർ എം. അഞ്ജനയുടെ അദ്ധ്യക്ഷതയിൽ ചേർന്ന യോഗത്തിലെ തീരുമാനത്തിന്റെ അടിസ്ഥാനത്തിലാണ് വ്യാജമദ്യത്തിന്റെയും ലഹരി വസ്തുക്കളുടെയും നിർമ്മാണവും വിപണനവും തടയുന്നതിനുള്ള നടപടികൾ വ്യാപകമാക്കിയത്. പൊലീസ്, വനം, റെയിൽവേ, റവന്യൂ ഉദ്യോഗസ്ഥരും നടപടികളിൽ പങ്കാളികളാകും. ജലാശയങ്ങൾക്കു സമീപമുള്ള ഒറ്റപ്പെട്ട പ്രദേശങ്ങൾ, ഒഴിഞ്ഞുകിടക്കുന്ന കെട്ടിടങ്ങൾ, അതിഥി തൊഴിലാളികളുടെ ക്യാമ്പുകൾ തുടങ്ങിയ സ്ഥലങ്ങളിൽ പ്രത്യേക നിരീക്ഷണമുണ്ടാകും. കള്ളു ഷാപ്പുകൾ, ബിയർ പാർലറുകൾ, വിദേശ മദ്യഷോപ്പുകൾ എന്നിവിടങ്ങളിലും പരിശോധന നടത്തും. കള്ളിന്റെ സാമ്പിളുകൾ എല്ലാ ദിവസവും മൊബൈൽ ലാബിൽ പരിശോധിക്കും. എക്‌സൈസ് ഡിവിഷൻ ഓഫീസിൽ 24 മണിക്കൂറും പ്രവർത്തിക്കുന്ന കൺട്രോൾ റൂം ആരംഭിച്ചിട്ടുണ്ട്. പൊതു ജനങ്ങൾക്കും പരാതികൾ അറിയിക്കാം.

കൺട്രോൾ റൂം : 0481 2562211,18004252818

സർക്കിൾ ഓഫീസുകൾ

കോട്ടയം : 0481 2583091, 9400069508

ചങ്ങനാശേരി : 0481 2422741, 9400069509

പൊൻകുന്നം : 04828 221412, 9400069510

പാലാ : 04822 212235, 9400069511

വൈക്കം : 04829 231592, 9400069512