വൈക്കം : വെസ്​റ്റ് ഗവ.വൊക്കേഷണൽ ഹയർസെക്കൻഡറി സ്‌കൂളിൽ ഈ വർഷം മുതൽ 'ഡയറി ഫാർമർ എന്റർപ്രണർ ' ', ഫിഷ് ആൻഡ് സീ ഫുഡ് പ്രോസസിംഗ് ടെക്‌നീനീഷ്യൻ' എന്നീ രണ്ടു പുതിയ കോഴ്‌സുകൾ ആരംഭിക്കും .പഠനം പൂർത്തീകരിക്കുന്നവർക്ക് ഹയർസെക്കൻഡറി സർട്ടിഫിക്ക​റ്റിനോടൊപ്പം ദേശീയ അംഗീകാരമുള്ള സ്‌കിൽ സർട്ടിഫിക്കറ്റുകളും ലഭിക്കും. വിദ്യാർത്ഥികൾ പഠനത്തോടൊപ്പം തൊഴിൽ വൈദഗ്ദ്ധ്യം കൂടി സ്വായത്തമാക്കുക എന്നതാണ് പാഠ്യപദ്ധതിയുടെ ലക്ഷ്യം. സർക്കാർ ,അർധസർക്കാർ , സ്വകാര്യ മേഖലകളിൽ തൊഴിൽ ലഭിക്കുന്നതിനും അതോടൊപ്പം സ്വയം സംരഭകരാകുന്നതിനും സഹായിക്കുന്ന തരത്തിലാണ് പാഠ്യപദ്ധതിയിൽ മാ​റ്റം വരുത്തിയിട്ടുള്ളത്.ഡയറി ഫാർമർ കോഴ്‌സ് പഠിച്ചിറങ്ങുന്നവർക്ക് എൻട്രൻസ് പരീക്ഷയിൽ വെ​റ്റിനറി ബിരുദത്തിനുള്ള സീ​റ്റ് സംവരണവും ,മൃഗസംരക്ഷണവകുപ്പിലെ ജോലി സാദ്ധ്യതയും ഈ കോഴ്‌സിനെ കൂടുതൽ ആകർഷകമാക്കുന്നു. ഫിഷറീസ് കോഴ്‌സ് പഠിച്ചിറങ്ങുന്നവർക്കും ഉപരി പഠനത്തോടൊപ്പം മത്സ്യ സംസ്‌കരണ കയ​റ്റുമതി സ്ഥാപനങ്ങളിൽ ജോലി സാദ്ധ്യതയും നിലനിൽക്കുന്നു. പത്താം ക്ലാസോ തത്തുല്യ യോഗ്യതയോ ഉള്ളവർക്ക് അപേക്ഷിക്കാം. ഫോൺ : 9446562974 ,9446274025.