വൈക്കം : ഉദയനാപുരം സുബ്രഹ്മണ്യ ക്ഷേത്രത്തിൽ പറയും ചെങ്ങഴിയും നാഴിയും പൂപ്പാലികയും സമർപ്പിച്ച് വാട്സ് ആപ്പ് ഗ്രൂപ്പ്. ചിങ്ങം 1 ന് രാവിലെയാണ് ക്ഷേത്രനടയിൽ സംയുക്ത എൻ.എസ്.എസ് കരയോഗം ഉദയനാപുരം വാട്‌സ് ആപ്പ് ഗ്രൂപ്പ് ഇവ സമർപ്പിച്ചത്. പ്ലാവിൻ തടിയിൽ കടഞ്ഞെടുത്ത് ചിത്ര പണികളോടെ തീർത്ത പറ, ചെങ്ങഴി ,നാഴി, ഉൽസവബലിക്കും അഹസ്സിനും മ​റ്റും ആവശ്യമായ പൂപ്പാലിക, ഇവ സൂക്ഷിക്കാൻ പ്ലാവിൽ തീർത്ത പെട്ടി എന്നിവയാണ് ഗ്രൂപ്പ് അഡ്മിൻ വി.ആർ.സി നായർ, മനോജ് തച്ചാട്ട്, ബ്രിജേഷ്, സുനിൽ, അഖിൽ, തേരോഴി രാമകുറുപ്പ് എന്നിവരുടെ നേതൃത്വത്തിൽ സമർപ്പിച്ചത്.