കോട്ടയം: ജില്ലയിൽ 89 പേർ കൂടി കൊവിഡ് ബാധിതരായി. ഇതിൽ 81 പേർക്കും സമ്പർക്കത്തിലൂടെ. വിദേശത്തുനിന്ന് വന്ന മൂന്നു പേരും മറ്റു സംസ്ഥാനങ്ങളിൽ നിന്നെത്തിയ അഞ്ചു പേരും രോഗികളായി.

സമ്പർക്കം മുഖേനയുള്ള രോഗബാധ ഏറ്റവും കൂടുതൽ റിപ്പോർട്ട് ചെയ്യപ്പെട്ടത് കോട്ടയം മുനിസിപ്പാലിറ്റിയിലാണ്. 17 പേർക്ക് ഇവിടെ രോഗം ബാധിച്ചു. മുണ്ടക്കയം-7, മറവന്തുരുത്ത്-6, വൈക്കം മുനിസിപ്പാലിറ്റി, ആർപ്പൂക്കര ഗ്രാമപഞ്ചായത്ത്-5 വീതം, ഏറ്റുമാനൂർ മുനിസിപ്പാലിറ്റി, അതിരമ്പുഴ, വിജയപുരം ഗ്രാമപഞ്ചായത്തുകൾ-4 വീതം എന്നിവയാണ് സമ്പർക്ക രോഗികൾ കൂടുതലുള്ള മറ്റു സ്ഥലങ്ങൾ.

രോഗം ഭേദമായ 44 പേർ ആശുപത്രി വിട്ടു. നിലവിൽ 668 പേരാണ് ചികിത്സയിലുള്ളത്. ഇതുവരെ 2173 പേർ രോഗബാധിതരായി. 1502 പേർ രോഗമുക്തി നേടി. വിദേശത്തുനിന്നെത്തിയ 29 പേരും മറ്റു സംസ്ഥാനങ്ങളിൽനിന്ന് എത്തിയ 172 പേരും രോഗം സ്ഥിരീകരിച്ചവരുടെ സമ്പർക്ക പട്ടികയിലുള്ള 130 പേരും ഉൾപ്പെടെ 331 പേർക്ക് പുതിയതായി ക്വാറന്റൈൻ നിർദേശിച്ചു. ആകെ 10202 പേരാണ് ക്വാറന്റൈനിലുള്ളത്.