വൈക്കം: തിരുവിതാംകൂർ ദേവസ്വം ബോർഡും ഉപദേശകസമിതിയും സംയുക്തമായി വൈക്കം മഹാദേവക്ഷേത്രത്തിൽ നടത്തുന്ന വിനായകചതുർത്ഥി മഹോത്സവം 22ന് നടക്കും. ഗണപതി ഹോമം, ഭഗവതി സേവ തുടങ്ങിയവയാണ് പ്രധാന ചടങ്ങുകൾ. ക്ഷേത്രം തന്ത്റിമാരായ ഭദ്റകാളി മ​റ്റപ്പള്ളി നാരായണൻ നമ്പൂതിരിയുടെയും, മേക്കാട്ടു മാധവൻ നമ്പൂതിരിയുടെയും മുഖ്യകാർമ്മികത്വത്തിലാണ് ചടങ്ങുകൾ. ഭക്തജനങ്ങൾക്ക് പൂജാസാധനങ്ങൾ സമർപ്പിക്കുന്നതിന് വ്യാഘ്രപാദ തറക്ക് സമീപം സൗകര്യം ഏർപ്പെടുത്തിയിട്ടുണ്ടെന്ന് അഡ്മിനിസ്​ട്രേ​റ്റിവ് ഓഫീസർ കെ.ആർ ബിജുവും ഉപദേശകസമിതി സെക്രട്ടറി പി.എം സന്തോഷ്‌കുമാറും അറിയിച്ചു. ദേവസ്വം ബോർഡ് നിഷ്‌കർഷിച്ചിരിക്കുന്ന കൊവിഡ് 19 മാനദണ്ഡങ്ങൾ അനുസരിച്ച് ഭക്തജനങ്ങൾക്ക് ചടങ്ങിൽ പങ്കെടുക്കാമെന്ന് ഉപദേശക സമിതി സെക്രട്ടറി അറിയിച്ചു.