ച​ങ്ങ​നാ​ശേ​രി​:​ ​ഓ​ണ​ത്തി​ന് ​ദി​വ​സ​ങ്ങ​ൾ​മാ​ത്രം​ ​ബാ​ക്കി​ ​നി​ൽ​ക്കെ​ ​പ​ച്ച​ ​ഏ​ത്ത​യ്ക്കാ​യു​ടെ​ ​വി​ല​ ​കുതിക്കുന്നു. രണ്ടു ദിവസം മുമ്പ് കിലോക്ക് 40രൂപയ്ക്ക് ലഭിച്ചിരുന്ന ഏത്തയ്ക്കക്ക് ഇന്നിപ്പോൾ 60 രൂപയാണ് വില. അ​ന്യ​ ​സം​സ്ഥാ​ന​ങ്ങ​ളി​ൽ​ ​നി​ന്ന് ​ഏ​ത്ത​ക്കു​ല​ക​ൾ​ ​എ​ത്താ​ത്തതും ഓണത്തിന് ആവശ്യക്കാർ ഏറിയതുമാണ് വില കൂടാൻ കാരണം. ​വ​ഴി​യോ​ര​ ​വാ​ണി​ഭം ​നി​യ​ന്ത്രിച്ചതും വിലകൂടാൻ കാരണമായി. അ​തേ​ ​സ​മ​യം​ ​ക​ർ​ഷ​ക​ർ​ക്ക് കുലയ്ക്ക് ​ന്യാ​യ​വി​ല​ ​ല​ഭി​ക്കു​ന്നി​ല്ലെ​ന്ന​ ​പ​രാ​തി​യും​ ശക്തമാണ്. ​ഓ​ണ​സ​ദ്യ​യ്ക്ക് ​ഉ​പ്പേ​രി​ ​ഉ​ൾ​പ്പെ​ടെ​യു​ള്ള​ ​വി​ഭ​വ​ങ്ങ​ൾ​ ​ഉ​ണ്ടാ​ക്കാ​ൻ​ ​ഏ​ത്ത​യ്ക്ക​ ​വേ​ണമെന്നതിനാൽ ഇത് ഉപേക്ഷിക്കാൻ മലയാളികൾക്ക് സാധിക്കില്ല. അതിനാൽ എന്തുവില കൊടുത്തും ഏത്തയ്ക്ക വാങ്ങാൻ നിർബന്ധിതരാവുകയാണ്. ​ ​കൊ​വി​ഡ് ​നി​യ​ന്ത്ര​ണ​മു​ള്ള​തി​നാ​ൽ​ ​വ​നി​താ​ ​സ​ഹ​ക​ര​ണ​ ​സം​ഘ​ങ്ങ​ളു​ടെ​യും​ ​മ​റ്റ് ​ജ​ന​കീ​യ​ ​കൂ​ട്ടാ​യ്മ​യു​ടെ​യും​ ​ഉ​ത്പ്പ​ന്ന​ങ്ങ​ൾ​ ​വി​പ​ണി​യി​ൽ കാര്യമായി എത്തുന്നില്ല. ​ഏ​താ​നും​ ​ദി​വ​സ​ങ്ങ​ൾ​ ​മു​മ്പു​പെ​യ്ത​ ​മ​ഴ​യി​ലും​ ​കാ​റ്റി​ലും​ ​വാ​ഴ​ക​ൾ​ ​ന​ശി​ച്ച​തും​ ​കു​ല​ ​ല​ഭ്യ​ത​ ​കു​റ​ച്ചു.​ ​ഇ​തു​മൂ​ലം​ ​സ​ഹ​ക​ര​ണ​ ​മാ​ർ​ക്ക​റ്റു​ക​ളി​ലും​ ​ആ​വ​ശ്യത്തിന് കുലകളില്ല.​ ​വി​പ​ണി​യി​ൽ​ ​നേ​ന്ത്ര​ക്കു​ല​യു​ടെ​ ​ല​ഭ്യ​ത​ ​കു​റ​ഞ്ഞ​ത് ​വ്യാ​പാ​രി​ക​ൾ​ ​മു​ത​ലാ​ക്കു​ന്ന​തും ​വി​ല​ ​കൂ​ടു​ന്ന​തി​നും​ ​കാ​ര​ണ​മാ​യി.​ ​