പതിവ് വേഷങ്ങളിൽ നിന്നും മാറി ഗ്ലാമറസ്/ബോൾഡ് വേഷത്തിൽ ആരാധകർക്ക് മുൻപിലേക്കെത്തി നടിയും നർത്തകിയുമായ ദുർഗ കൃഷ്ണ. സോഷ്യൽ മീഡിയ വഴിയാണ് സിംഗിൾ സ്ലീവ് സ്കിൻ ഫിറ്റ് ടോപ്പ് ധരിച്ച്, ചുവപ്പ് നിയോൺ വെളിച്ചത്തിൽ കുളിച്ച് താൻ നിൽക്കുന്ന ചിത്രം ദുർഗ പുറത്തുവിട്ടത്.
ചിത്രം പുറത്തുവന്ന് അൽപ്പസമയം കൊണ്ടുതന്നെ അത് വൈറലായി മാറുകയും ചെയ്തു. നിരവധി പേരാണ് ദുർഗ്ഗയുടെ പുതിയ ലുക്കിനെ പ്രശംസിച്ചുകൊണ്ട് ചിത്രത്തിന് കീഴിലായി കമന്റുകളുമായി എത്തിയത്. ഇവരോടൊപ്പം താരങ്ങളായ ഗൗതമി, ആര്യ എന്നിവരും ദുർഗയ്ക്ക് അനുമോദനവുമായി എത്തി.
ആശ്ചര്യത്തെ സൂചിപ്പിക്കുന്ന പദമായ 'ഡാം!' എന്ന് ഗൗതമി കമന്റിട്ടപ്പോൾ, ആര്യ 'ഹോട്ട്' എന്നാണ് ദുർഗ്ഗയുടെ ചിത്രത്തോട് പ്രതികരിച്ചത്.
'വിമാനം' എന്ന ചിത്രത്തിലൂടെയാണ് ദുർഗ കൃഷ്ണ മലയാള സിനിമാ രംഗത്തേക്ക് ,രംഗപ്രവേശം ചെയ്യുന്നത്. ശേഷം നയൻതാര, നിവിൻ പോളി എന്നിവർ പ്രധാന വേഷങ്ങളിലെത്തിയ 'ലവ് ആക്ഷൻ ഡ്രാമ'യിലും ദുർഗ അഭിനയിച്ചു. മോഹൻലാൽ നായകനാകുന്ന 'റാം' ആണ് നടിയുടെ അടുത്തതായി പുറത്തിറങ്ങാനിരിക്കുന്ന ചിത്രം.