തി​രുവനന്തപുരം: സംസ്ഥാനത്ത് ഇന്ന് കൊവിഡ് ബാധിച്ച് മരിച്ചവരുടെ എണ്ണം മൂന്നായി. ചാലിങ്കാൽ എണ്ണപ്പാറ സ്വദേശി പളളിപ്പുഴ ഷംസുദ്ദീൻ (52), തി​രുവനന്തപുരം മെഡി​ക്കൽകോളേജ് ആശുപത്രി​യി​ൽ ചി​കി​ത്സയി​ലായി​രുന്ന അഞ്ചുതെങ്ങ് സ്വദേശി​ പോൾ ജോസഫ്, വടകര സ്വദേശി സുലൈഖ എന്നിവരാണ് ഇന്ന് മരിച്ചത്. പരിയാരം മെഡിക്കൽ കോളേജിൽ വൃക്കസംബന്ധമായ അസുഖത്തെ തുടർന്ന് ചികിത്സയിലായിരുന്നു ഷംസുദ്ദീൻ. കോഴിക്കോട് മെഡിക്കൽ കോളേജിൽ ചികിത്സയിലായിരുന്നു സുലൈഖ. ഇവർക്ക് പ്രമേഹവും വൃക്ക രോഗവുമുണ്ടായിരുന്നു. പോൾ ജോസഫിന് ഹൃദയസംബന്ധമായ അസുഖങ്ങളും ഉണ്ടായിരുന്നു.

ജൂലായ് 31ന് മരണമടഞ്ഞ തിരുവനന്തപുരം നെയ്യാറ്റിൻകര സ്വദേശി ക്ലീറ്റസ് (68), ആഗസ്റ്റ് ഒന്നിന് മരണമടഞ്ഞ ആലപ്പുഴ നൂറനാട് സ്വദേശി ശശിധരൻ (52) എന്നിവർക്ക് കഴിഞ്ഞദിവസം കൊവിഡ് സ്ഥിരീകരിച്ചിരുന്നു. ഇതോടെ സംസ്ഥാനത്തെ ആകെ മരണസംഖ്യ 86 ആയി.

ഇന്നലെ 962 പേർക്കാണ് കേരളത്തിൽ കൊവിഡ് സ്ഥിരീകരിച്ചത്. ഇതോടെ ആകെ രോഗബാധിതരുടെ എണ്ണം 26873 ആയി ഉയർന്നു. 11,484 പേരാണ് നിലവിൽ സംസ്ഥാനത്തെ വിവിധ ആശുപത്രികളിലായി ചികിത്സയിലുള്ളത്. 15,282പേർ രോഗമുക്തി നേടി.