ഒരു ഗ്ളാസ് പാല് കിട്ടിയാൽ നമ്മളെന്ത് ചെയ്യും? സംശയിക്കേണ്ട കാര്യമേയില്ല അപ്പോൾ തന്നെ കുടിച്ചിരിക്കും. എന്നാൽ നീന്തലിൽ അഞ്ച് ഒളിമ്പിക് സ്വർണം നേടിയിട്ടുള‌ള അമേരിക്കൽ നീന്തൽ താരം കാത്തി ലെഡേക്കി ചെയ്‌തത് ലോകത്താരും ചെയ്യാത്ത ഒന്നാണ്. തലയിൽ ബാലൻസ് ചെയ്‌ത് ഒരു ഗ്ളാസ് ചോക്ളേ‌റ്റ് ഫ്ളേവർ പാൽ വച്ച് നീന്തൽകുളത്തിൽ സുഖമായി നീന്തി കാത്തി.

ഒരു തുള‌ളി പാല് പോലും പുറത്തേക്ക് പോയതേയില്ല. തന്റെ ട്വി‌റ്റർ അക്കൗണ്ട് വഴി കാത്തി ലെഡേക്കി തന്നെയാണ് ഈ വിവരം അറിയിച്ചത്. പാൽ ഗ്ളാസ് തലയിൽ വച്ച് നീന്തുന്ന വീഡിയോ കാത്തി ഷെയർ ചെയ്‌തു. നീന്തലിന് ശേഷം ഇത്തിരി പാൽ കുടിക്കുകയും ചെയ്‌തു. വൈറലായി മാറിയ വീഡിയോ 25000 പേരാണ് ഇതുവരെ ലൈക്ക് ചെയ്‌തത്. നിരവധി പേർ അത്ഭുതം പ്രകടിപ്പിച്ച് കമന്റും ചെയ്‌തിട്ടുണ്ട്. ഒരു പരസ്യത്തിന് വേണ്ടിയാണ് കാത്തി ലെഡേക്കി ഇതു ചെയ്‌തതെന്നാണ് ലഭിക്കുന്ന വിവരം. തന്റെ ജീവിതത്തിൽ ഏറ്റവും നന്നായി നീന്തിയതിൽ ഒന്ന് ഇപ്പോഴാണെന്ന് കാത്തി പ്രതികരിച്ചു.

Possibly one of the best swims of my career! (~open for debate~)
What can you do without spilling a drop?! Check out the #gotmilkchallenge on TikTok. #gotmilk #ad pic.twitter.com/F05UzvaqCo

— Katie Ledecky (@katieledecky) August 3, 2020