ന്യൂഡൽഹി: 2019ലെ സിവിൽ സർവീസ് പരീക്ഷാ ഫലം പ്രസിദ്ധീകരിച്ചു. ആദ്യ 100 റാങ്കുകളിൽ പത്ത് മലയാളികളും ഉൾപ്പെടുന്നു. സി.എസ്. ജയ്ദേവിനാണ് അഞ്ചാം റാങ്ക്. പ്രദീപ് സിംഗിനാണ് ഒന്നാം റാങ്ക്. ജതിൻ കിഷോർ, പ്രതിഭ വെർമ എന്നിവർ രണ്ടും മൂന്നും റാങ്കുകൾ നേടി. 2019 സെപ്തംബറിൽ നടന്ന എഴുത്ത് പരീക്ഷയുടെയും 2020 ഫെബ്രുവരി മുതൽ ആഗസ്റ്റ് വരെ നടന്ന അഭിമുഖ പരീക്ഷയുടെയും ചേർന്നുളള ഫലമാണ് പ്രസിദ്ധീകരിച്ചത്.

റാങ്ക് നേടിയ മലയാളികൾ (റാങ്ക്,പേര് എന്ന ക്രമത്തിൽ)5 സി എസ്. ജയദേവ്, 36 ആർ. ശരണ്യ, 45 സഫ്ന നസ്റുദ്ദീൻ, 47 ആർ. ഐശ്വര്യ, 55 അരുൺ എസ്. നായർ, 68 എസ്. പ്രിയങ്ക, 71 ബി. യശസ്വിനി, 89 നിഥിൻ കെ. ബിജു, 92 എ.വി. ദേവി നന്ദന, 99 പി.പി. അർച്ചന.

www.upsc.gov.in എന്ന വെബ്‌സൈറ്റ് വഴി ഫലം പരിശോധിക്കാം. രാജ്യത്താകെ 829 പേരാണ് യോഗ്യത നേടിയത്.