പാലക്കാട്: കഞ്ചിക്കോട് ട്രെയിൻ തട്ടി മരിച്ച ഇതര സംസ്ഥാന തൊഴിലാളികളുടെ മൃതദേഹം പോസ്റ്റ്മോർട്ടത്തിനായി വിട്ടുകൊടുത്തു. ഇതോടെ പ്രദേശത്ത് മരിച്ചവരുടെ സഹപ്രവർത്തകരായ തൊഴിലാളികൾ നടത്തിയ പ്രതിഷേധം അവസാനിച്ചു. മൃതദേഹം നാട്ടിലെത്തിക്കാൻ സർക്കാർ സഹായം നൽകുമെന്ന് അറിയിച്ചു. അനുഗമിക്കുന്ന ആളുകളെ നാട്ടിലെത്തിക്കുമെന്നും ഇതിനുള്ള ചെലവും സർക്കാർ വഹിക്കുമെന്ന് തൊഴിലാളികളെ അറിയിച്ചതോടെയാണ് സമരം അവസാനിച്ചത്.

ജാ​ർ​ഖ​ണ്ഡി​ലെ പ​ലാ​മു സ്വ​ദേ​ശി​ക​ളാ​യ ക​നാ​യി വി​ശ്വ​ക​ർ​മ (21), അ​ര​വി​ന്ദ് കു​മാ​ർ (23), ഹ​രി​യോം കു​നാ​ൽ (29) എ​ന്നി​വരാ​ണ് മ​രി​ച്ച​ത്. ഇന്നലെരാ​ത്രി പത്തരയ്‌ക്ക് ​ക​ഞ്ചി​ക്കോ​ട് ഐ​.ഐ.​ടി​യ്‌ക്ക് സ​മീ​പ​മു​ള്ള ട്രാ​ക്കി​ലാ​ണ് ഇ​വ​രെ ക​ണ്ടെ​ത്തി​യ​ത്. ഹ​രി​യോം കു​നാ​ൽ മ​രി​ച്ച നി​ല​യി​ലും ബാ​ക്കി ര​ണ്ടു പേ​ർ ഗു​രു​ത​ര​മാ​യി പ​രി​ക്കേ​റ്റ നി​ല​യി​ലു​മാ​യി​രു​ന്നു. ഇ​വ​രെ ജി​ല്ലാ ആ​ശു​പ​ത്രി​യി​ലേ​ക്കു കൊ​ണ്ടു​പോ​യെ​ങ്കി​ലും രക്ഷിക്കാനായില്ല.

സം​ഭ​വം കൊ​ല​പാ​ത​ക​മാ​ണെ​ന്ന് ആ​രോ​പി​ച്ച് അ​ക്ര​മാ​സ​ക്ത​രാ​യ ഇതരസംസ്ഥാന തൊഴിലാളികൾ മൃ​ത​ദേ​ഹ​ങ്ങ​ൾ കൊ​ണ്ടു​പോ​കാ​നെ​ത്തി​യ അ​ഗ്നി​ര​ക്ഷാ സേ​നാം​ഗ​ങ്ങ​ളെ ആ​ക്ര​മി​ച്ചു. ആ​ക്ര​മ​ണ​ത്തി​ൽ ആറ് സേ​നാം​ഗ​ങ്ങ​ൾ​ക്ക് പ​രി​ക്കേ​റ്റു. അ​ഗ്നി​ര​ക്ഷാ സേ​ന​യു​ടെ ആം​ബു​ല​ൻ​സും തൊ​ഴി​ലാ​ളി​ക​ൾ അ​ടി​ച്ചു​ത​ക​ർ​ത്തു. രാവിലെ മുതൽ തുടങ്ങിയ സമവായ ചർച്ചകൾ അൽപ്പം മുമ്പാണ് അവസാനിച്ചത്.