മലയാളി​കളുടെ പ്രി​യനായി​കയായി​രുന്ന ജലജയുടെയും മകൾ അമ്മു എന്ന ദേവി​ നായരുടെയും വീട്ടുവി​ശേഷങ്ങൾ

​കവ​ടി​യാ​റി​ലെ ഫ്ളാ​റ്റ് സ​മു​ച്ച​യ​ത്തി​ന്റെ പന്ത്രണ്ടാം നി​ല​യിൽ ഒ​രു കി​ളി​ക്കൂ​ടു​ണ്ട്. അ​മ്മു​ക്കി​ളി​യും അ​മ്മ​ക്കി​ളി​യു​മാ​ണ് താ​മ​സ​ക്കാർ. അ​മ്മ​യെ തി​രി​ച്ച​റി​യാൻ പ​രി​ച​യ​പ്പെ​ടു​ത്ത​ലു​ക​ളു​ടെ ആ​വ​ശ്യ​മി​ല്ല. മ​ല​യാ​ളി​ക​ളു​ടെ പ്രി​യ​നാ​യിക ജ​ല​ജ. പ​ക്ഷേ, ഇ​വി​ടെ അ​മ്മു എ​ന്ന ദേ​വി നാ​യ​രു​ടെ അ​മ്മ വേ​ഷ​മാ​ണ് ജ​ല​ജ​യ്‌​ക്ക്. മ​ക​ളെ ലാ​ളി​ച്ചും ഇ​ട​യ്‌​ക്കൊ​ന്ന് ക​ണ്ണു​രു​ട്ടി​യും അ​വ​ളു​ടെ ഇ​ഷ്‌​ട​ങ്ങൾ​ക്ക് കൂ​ട്ടു​ ന​ട​ക്കു​ന്ന​തു​മാ​ണ് വ​ലിയ സ​ന്തോ​ഷ​മെ​ന്ന് പ​റ​യു​മ്പോൾ ആ മു​ഖ​ത്ത് വാ​ത്സ​ല്യ​ത്തി​ള​ക്കം.
അ​മ്മു​വും അ​മ്മ​യും കൂ​ടു​മാ​റി​യി​ട്ട് കു​റ​ച്ച് നാ​ളു​ക​ളേ ആ​യി​ട്ടു​ള്ളൂ. ദീർ​ഘ​നാ​ള​ത്തെ ബ​ഹറി​ൻ ജീ​വി​തം അ​വ​സാ​നി​പ്പി​ച്ച് കേ​ര​ള​ത്തി​ലേ​ക്ക് ചേ​ക്കേ​റി​യ​തി​ന് പി​ന്നിൽ ജ​ന്മ​നാ​ടി​നോ​ടു​ള്ള സ്‌​നേ​ഹ​ത്തി​നൊ​പ്പം ഒ​രാ​ഗ്ര​ഹം കൂ​ടി​യു​ണ്ട്. അ​മ്മു​വി​ന്റെ സി​നി​മാ​പ്ര​വേ​ശം. വർ​ഷ​ങ്ങ​ളാ​യി മ​ന​സിൽ കൊ​ണ്ടു​ന​ട​ന്ന സ്വ​പ്‌​ന​ത്തി​ന് ചി​റ​കു​മു​ള​ച്ച കഥ ആ​ദ്യ​മാ​യി ഇ​രു​വ​രും പ​ങ്കു​വ​യ്‌​ക്കു​ന്നു.
'​'​ഞ​ങ്ങ​ളു​ടെ എ​ല്ലാ​മെ​ല്ലാ​മാ​ണ് ഈ അ​മ്മു​ക്കു​ട്ടി. അ​വ​ളു​ടെ ജീ​വി​ത​ത്തി​ലെ ഓ​രോ ചു​വ​ടു​വ​യ്‌​പ്പി​ലും കൈ​പി​ടി​ച്ച് കൂ​ടെ​യു​ണ്ടാ​ക​ണ​മെ​ന്നാ​ണ് എ​ന്റെ ആ​ഗ്ര​ഹം. ഭർ​ത്താ​വ് പ്ര​കാ​ശി​ന്റെ ജോ​ലി​യു​ടെ ഭാ​ഗ​മാ​യാ​ണ് ഞ​ങ്ങൾ ബ​ഹറി​നിൽ താ​മ​സ​മാ​ക്കി​യ​ത്. അ​മ്മു​വി​ന് ചെ​റു​പ്പ​ത്തി​ലേ സി​നി​മ​യോ​ടൊ​രു ഇ​ഷ്‌​ട​മു​ണ്ട്. പ​ക്ഷേ, വി​ദ്യാ​ഭ്യാ​സ​ത്തി​ന് ആ​ദ്യ പ​രി​ഗ​ണന നൽ​കണ​മെ​ന്ന് ഞാ​നും പ്ര​കാ​ശും പ​റ​ഞ്ഞി​രു​ന്നു. അ​വ​ള​ത് അ​ക്ഷ​രം​പ്ര​തി കേൾ​ക്കു​ക​യും ചെ​യ്‌​തു. സം​ഗീ​ത​ത്തി​നും നൃ​ത്ത​ത്തി​നു​മെ​ല്ലാം അ​തി​നൊ​പ്പം സ​മ​യം ക​ണ്ടെ​ത്തി.​""
അ​മ്മ ഓർ​മ്മ​ച്ചെ​പ്പ് തു​റ​ന്ന​പ്പോൾ അ​മ്മു പ​ഴയ സ്‌​കൂൾ കു​ട്ടി​യാ​യി.
'' അ​മ്മ ന​ടി​യാ​ണെ​ന്നൊ​ന്നും എ​നി​ക്കാ​ദ്യം അ​റി​യി​ല്ലാ​യി​രു​ന്നു. ഞ​ങ്ങൾ ഒ​ന്നി​ച്ച് പു​റ​ത്തൊ​ക്കെ പോ​കു​മ്പോൾ ആ​ളു​കൾ വ​ന്ന് അ​മ്മ​യോ​ട് സം​സാ​രി​ക്കു​ന്ന​തും പ​രി​ചയ ഭാ​വ​ത്തിൽ ചി​രി​ക്കു​ന്ന​തു​മെ​ല്ലാം ശ്ര​ദ്ധി​ച്ച് തു​ട​ങ്ങി​യ​ത് കു​റ​ച്ച് വ​ളർ​ന്ന ശേ​ഷ​മാ​ണ്. ഞാൻ ചെ​റു​പ്പം മു​ത​ലേ ഫ്ളൂ​ട്ടും പി​യാ​നോ​യും ബാ​ലെ​യും പ​ഠി​ച്ചി​രു​ന്നു. ക്ളാ​സു​കൾ​ക്ക് കൊ​ണ്ടു​വി​ടു​ന്ന​തും തി​രി​കെ വി​ളി​ച്ചു​കൊ​ണ്ട് വ​രു​ന്ന​തു​മെ​ല്ലാം അ​മ്മ​യാ​ണ്. മ്യൂ​സി​ക്കും ഡാൻ​സു​മൊ​ക്കെ​യാ​യി അ​ടി​പൊ​ളി​യാ​യി​രു​ന്നു അ​ക്കാ​ലം. സ്‌​നേ​ഹം മാ​ത്ര​മാ​യി​രു​ന്നി​ല്ല ന​ല്ല സ്‌​ട്രി​ക്‌​ടു​മാ​യി​രു​ന്നു ഈ അ​മ്മ.​""
അ​മ്മു അ​മ്മ​യെ ഒ​ന്ന് പാ​ളി നോ​ക്കി. എ​ന്നി​ട്ട് അ​ടു​ത്ത നി​മി​ഷം ചു​വ​ടു​മാ​റ്റി. '​'​എ​ന്നാ​ലും അ​ച്‌​ഛ​നാ​യി​രു​ന്നു കൂ​ടു​തൽ സ്‌​ട്രി​ക്‌​ട്.​"" കൂ​ട്ട​ച്ചി​രി​ക്കി​ട​യിൽ ജ​ലജ അ​മ്മു​ക്ക​ഥ​ക​ളു​ടെ കെ​ട്ട​ഴി​ച്ചു.
'​'​ഇ​വ​ളു​ടെ ക​ലാ​വാ​സ​ന​യ്‌​ക്ക് എ​ല്ലാ പ്രോ​ത്സാഹ​ന​വും നൽ​കി ഞ​ങ്ങൾ ഒ​പ്പം നി​ന്നു. ബ്രി​ട്ടീ​ഷ് സ്‌​കൂ​ളി​ലാ​ണ് പ​ഠി​ച്ച​ത്. അതി​നുശേ​ഷം അ​മേ​രി​ക്ക​യി​ലെ പെൻ​സിൽ​വാ​നിയ സർ​വ​ക​ലാ​ശാ​ല​യി​ലേ​ക്ക് പോ​യി. നാ​ല് വർ​ഷ​ത്തെ ഡ​ബിൾ ഡി​ഗ്രി കോ​ഴ്‌​സാ​യി​രു​ന്നു. ലോ​ക​ത്തി​ലെ ത​ന്നെ ഏ​റ്റ​വും പ്ര​ധാ​ന​പ്പെ​ട്ട സർ​വ​ക​ലാ​ശാ​ല​ക​ളിൽ ഒ​ന്നാ​ണ്. അ​വി​ടെ അ​ഡ്‌​മി​ഷൻ കി​ട്ടാൻ ത​ന്നെ ഒ​രു​പാ​ട് ക​ട​മ്പ​കൾ ക​ട​ക്ക​ണം. അ​മ്മു​വി​ന് ഏ​റ്റ​വും ന​ല്ല വി​ദ്യാ​ഭ്യാ​സം ല​ഭി​ക്ക​ണ​മെ​ന്നാ​ണ് ആ​ഗ്ര​ഹ​മെ​ങ്കി​ലും ഉ​ള്ളി​ന്റെ​യു​ള്ളിൽ ടെൻ​ഷ​നാ​യി​രു​ന്നു. ഊ​ണി​ലും ഉ​റ​ക്ക​ത്തി​ലും ഒ​പ്പ​മു​ണ്ടാ​യി​രു​ന്ന മ​ക​ളെ നാ​ല് വർ​ഷം പി​രി​ഞ്ഞി​രി​ക്ക​ണ്ടേ. അ​മ്മു പ​ഠി​ക്കാൻ പോ​കു​ന്ന​തി​ന് ഒ​രു വർ​ഷം മു​മ്പ് ത​ന്നെ ഞ​ങ്ങൾ മൂ​ന്നു​പേ​രും കൂ​ടി സർ​വ​ക​ലാ​ശാ​ല​യിൽ പോ​യി സ്ഥ​ല​വും സാ​ഹ​ച​ര്യ​വു​മെ​ല്ലാം മ​ന​സി​ലാ​ക്കി​യി​രു​ന്നു.അ​വി​ടെ​യും ക​ലാ​പ്ര​വർ​ത്ത​ന​ങ്ങ​ളിൽ സ​ജീ​വ​മാ​യി​രു​ന്നു അ​മ്മു. അ​വർ​ക്കൊ​രു ഡാൻ​സ് ഗ്രൂ​പ്പു​ണ്ടാ​യി​രു​ന്നു.​""
ഡാൻ​സി​നെ കു​റി​ച്ച് പ​റ​ഞ്ഞ​തും അ​മ്മു ഇ​ട​പെ​ട്ടു. '​'​ബാ​ക്കി ഞാൻ പ​റ​യാം അ​മ്മേ. അ​വി​ടെ പെൻ നാ​ച്ച് എ​ന്നൊ​രു ഡാൻ​സ് ഗ്രൂ​പ്പു​ണ്ട്. അ​തി​ന്റെ ഭാ​ഗ​മാ​യി ഒ​രു​പാ​ട് സ്‌​റ്റേ​ജ് പെർ​ഫോമൻ​സു​ക​ളൊ​ക്കെ ചെ​യ്‌​തു. പ​കൽ ക്ളാ​സിൽ പോ​ണം. രാ​ത്രി വ​ന്നാൽ എ​ഴു​താ​നും പ​ഠി​ക്കാ​നു​മേ സ​മ​യം കി​ട്ടൂ. അ​തി​നി​ട​യി​ലാ​ണ് ഡാൻ​സ്. പ​ഠ​ന​ത്തി​ന്റെ ഭാ​ഗ​മാ​യി സ്‌​പെ​യിൻ, പോർ​ട്ടു​ഗൽ, ഹോ​ള​ണ്ട്, ഗ്രീ​സ് തു​ട​ങ്ങി ഒ​രു​പാ​ട് രാ​ജ്യ​ങ്ങ​ളി​ലൂ​ടെ യാ​ത്ര ചെ​യ്‌​തു. അ​വ​സാ​നം ബി​രു​ദ​ദാ​ന​ത്തി​ന്റെ ദി​വ​സം വ​ന്നു. അ​ച്‌​ഛ​നും അ​മ്മ​യും അ​ത് കാ​ണാൻ വ​ന്നി​രു​ന്നു. അ​ന്ന് ധ​രി​ച്ച തൊ​പ്പി​യിൽ അ​മ്മ​യൊ​രു സർ​പ്രൈ​സ് ഒ​പ്പി​ച്ചു. ക്ളാ​പ്പ് ബോർ​ഡി​ന്റെ രീ​തി​യിൽ അ​തി​ന്റെ മു​കൾ​ഭാ​ഗം ഡി​സൈൻ ചെ​യ്‌​തു. ആ​ക്‌​ട്ര​സ് ദേ​വി നാ​യർ എ​ന്ന​തിൽ എ​ഴു​തി​യി​രു​ന്നു. എ​ന്റെ മ​ന​സ​റി​യാ​നു​ള്ള അ​മ്മ​യു​ടെ ക​ഴി​വ് മ​ന​സി​ലാ​യി​ല്ലേ.​""
ആ തൊ​പ്പി പൊ​ന്നു​പോ​ലെ സൂ​ക്ഷി​ച്ച് വ​ച്ചി​ട്ടു​ണ്ട് ജ​ല​ജ. ഒ​പ്പം അ​മ്മു​വി​ന്റെ പ​ഠ​ന​കാ​ല​ത്തി​ന്റെ സു​ന്ദ​ര​ചി​ത്ര​ങ്ങ​ളും.
'​അ​ച്ഛ​ന്റെ​യും അ​മ്മ​യു​ടെ​യും സ്‌​നേ​ഹ​ത്തി​ന്റെ കാ​ര്യം പ​റ​ഞ്ഞ​പ്പോൾ അ​മ്മു അ​ല്പം ഗൗ​ര​വ​ക്കാ​രി​യാ​യി.
'​'​സി​നിമ എ​ന്റെ പാ​ഷ​നാ​ണെ​ന്ന് നേ​ര​ത്തേ തി​രി​ച്ച​റി​ഞ്ഞു. ധാ​രാ​ളം സി​നി​മ​കൾ കാ​ണാ​റു​മു​ണ്ട്. അ​മേ​രി​ക്ക​യി​ലാ​യി​രു​ന്ന​പ്പോ​ഴും സ​മ​യം കി​ട്ടി​യാ​ലു​ടൻ കൂ​ട്ടു​കാർ​ക്കൊ​പ്പം സി​നി​മ​യ്‌​ക്ക് പോ​കും. അ​മ്മ അ​ഭി​ന​യി​ച്ച​തിൽ ഞാ​നാ​ദ്യം ക​ണ്ട​ത് മ​ണ്ട​ന്മാർ ല​ണ്ട​നിൽ എ​ന്ന സി​നി​മ​യാ​ണ്. അ​മ്മ​യു​ടെ ഏക കോ​മ​ഡി സി​നി​മ. എ​ന്റെ എ​ക്കാ​ല​ത്തെ​യും ഇ​ഷ്‌ട ന​ടൻ ജ​ഗ​തി അ​ങ്കി​ളാ​ണ്. എ​ത്ര വ്യ​ത്യ​സ്‌​ത​ങ്ങ​ളായ വേ​ഷ​ങ്ങ​ളാ​ണ് അ​ദ്ദേ​ഹം ചെ​യ്‌​തി​രി​ക്കു​ന്ന​ത്. യോ​ദ്ധ​യി​ലെ​യും കി​ലു​ക്ക​ത്തി​ലെ​യും ജ​ഗ​തി അ​ങ്കി​ളി​ന്റെ ഡ​യ​ലോ​ഗു​കൾ പ​റ​ഞ്ഞു ന​ട​ക്ക​ലാ​ണ് എ​ന്റെ പ്ര​ധാന ഹോ​ബി. എ​ന്റെ ആ​ഗ്ര​ഹം പോ​ലെ ഇ​ത്ത​വണ ഐ.​എ​ഫ്.​എ​ഫ്.​കെ​യി​ലും പ​ങ്കെ​ടു​ക്കാൻ പ​റ്റി. സി​നിമ കാ​ണൽ മാ​ത്ര​മാ​യി കു​റേ ദി​വ​സ​ങ്ങൾ. എ​ന്ത് ര​സ​മാ​ണ​ല്ലേ. ര​ജി​ഷാ വി​ജ​യ​നെ പോ​ലെ കു​റ​ച്ച് ന​ല്ല കൂ​ട്ടു​കാ​രെ​യും അ​വി​ടു​ന്ന് കി​ട്ടി. ഇ​വി​ടെ വ​ന്നി​ട്ട് കൂ​ട്ടു​കാ​രി​ല്ലാ​ത്ത​തി​ന്റെ വി​ഷ​മ​ത്തി​ലാ​യി​രു​ന്നു. ആ​രെ​യെ​ങ്കി​ലു​മൊ​ക്കെ കാ​ണു​ന്ന​ത് ജി​മ്മിൽ പോ​കു​മ്പോ​ഴാ​ണ്. ആ ദുഃ​ഖം മാ​റി. ഇ​റ​ങ്ങു​ന്ന സി​നി​മ​ക​ളെ​ല്ലാം കാ​ണു​ന്ന​താ​ണ് പു​തിയ ഹോ​ബി. അ​മ്മ​യും ഞാ​നും കൂ​ടി പോ​കും.​"" അമ്മു പറഞ്ഞു.
അ​മേ​രി​ക്ക​യും ബ​ഹറി​നു​മൊ​ന്നും ഈ അ​മ്മ​യെ​യും മ​ക​ളെ​യും മാ​റ്റി​യി​ട്ടി​ല്ല. ത​നി മ​ല​യാ​ള​ത്തിൽ സ്‌​ഫു​‌​ട​ത​യോ​ടെ​യാ​ണ് അ​മ്മു​വി​ന്റെ സം​സാ​രം.
'​'​വീ​ട്ടിൽ മ​ല​യാ​ള​ത്തിൽ സം​സാ​രി​ക്ക​ണ​മെ​ന്ന് നിർ​ബ​ന്ധ​മു​ണ്ടാ​യി​രു​ന്നു. മ​ല​യാ​ളം വാ​യി​ക്കാൻ പ​ഠി​പ്പി​ച്ച​ത് അ​മ്മ​യാ​ണ്. പ​ത്രം മു​ട​ങ്ങാ​തെ വാ​യി​ക്കാ​റു​ണ്ട്. സി​നിമ പേ​ജു​കൾ വാ​യി​ച്ച് വാ​യി​ച്ചാ​ണ് എ​ന്റെ മ​ല​യാ​ളം മെ​ച്ച​പ്പെ​ട്ട​ത്.​""
ഈ വീ​ട്ടിൽ എ​ന്ത് പ​റ​ഞ്ഞാ​ലും എ​ത്തി​ച്ചേ​രു​ന്ന​ത് സി​നി​മ​യി​ലാ​ണ്. മ​ന​സിൽ സി​നിമ നി​റ​ച്ച് ഇ​രു​വ​രും സം​സാ​രി​ച്ചു കൊ​ണ്ടേ​യി​രു​ന്നു. ഒ​ടു​വിൽ അ​മ്മു പ​റ​ഞ്ഞു. '​'​എ​നി​ക്ക് ഒ​രു വ​ലിയ ആ​ഗ്ര​ഹ​മു​ണ്ട്. അ​മ്മ​യു​ടെ ഒ​പ്പം ഒ​രു സി​നി​മ​യി​ലെ​ങ്കി​ലും അ​ഭി​ന​യി​ക്ക​ണം.​""ആ ആ​ഗ്ര​ഹം കേ​ട്ട് വീ​ണ്ടും ചി​രി നി​റ​ഞ്ഞു. മ​കൾ​ക്കാ​യി സി​നിമ വി​ട്ട അ​മ്മ മ​കൾ​ക്കൊ​പ്പം മ​ട​ങ്ങി​വ​രുമോ?