കൊച്ചി: ലോകമാകെ കൊവിഡ് വ്യാപനം ശക്തമായി നിൽക്കുകയും വിപണിയിൽ അനിശ്ചിതത്വം തുടരുകയും ചെയ്യുന്നതിനാൽ സ്വർണവില ഇന്നും കുതിപ്പ് തുടരുകയാണ്. സ്വർണം പവന് 520 രൂപ ഉയർന്ന് 40,800 രൂപയായി. ഒരു ഗ്രാമിന് 65 രൂപ ഉയർന്ന് 5100 രൂപയായി. ജുലായ് 31ന് 40000രൂപയെത്തിയ സ്വർണ വില 5 ദിവസം കൊണ്ട് 800 രൂപ ഉയർന്നിരിക്കുകയാണ്. ദേശീയ വിപണിയിൽ 10 ഗ്രാം സ്വർണത്തിന് 54,797 രൂപയായി.

ആഗോള വിപണിയിൽ സ്വർണം ഔൺസിന് 0.2 ശതമാനം ഉയർന്ന് 2033.42 ഡോളറായി. ഇതാദ്യമായാണ് 2000 ഡോളറിന് മുകളിൽ സ്വർണത്തിന് വിലയെത്തുന്നത്. ലോകത്തിലെ ഏ‌റ്റവും വലിയ സ്വർണ എക്‌സ്ചേഞ്ച് ട്രേഡ് ഫണ്ടായ എസ്‌പിഡിആർ ഗോൾഡ് ട്ര‌സ്‌റ്റിൽ 1257.73 ടൺ സ്വർണ നിക്ഷേപമാണ് ഇപ്പോഴുള‌ളത്.