കാസർകോട്: തെളി​വെടുപ്പി​നിടെ പൊലീസി​നെ വെട്ടി​ച്ച് കൈവി​ലങ്ങുമായി​ കടലി​ൽ ചാടി​യ പോക്‌സോ കേസ് പ്രതി​യുടെ മൃതദേഹം പതി​നഞ്ചാം ദി​വസം കണ്ടെത്തി​. കുട്‌ലു സ്വദേശി മഹേഷിന്റെ മൃതദേഹമാണ് ഇന്നുരാവി​ലെ കർണാടകത്തി​ലെ കോട്ട സ്റ്റേഷൻ പരി​ധി​യി​ലെ കടൽത്തീരത്ത് കണ്ടെത്തി​യത്. അഴുകി​യ നി​ലയി​ലായി​രുന്ന മൃതദേഹം വസ്ത്രങ്ങൾ പരി​ശോധി​ച്ചാണ് തി​രി​ച്ചറി​ഞ്ഞത്.പന്ത്രണ്ടുകാരിയുടെ നഗ്നചിത്രങ്ങൾ പകർത്തിയ കേസിലാണ് ഇയാൾ അറസ്റ്റിലായത്.

കസബ കടപ്പുറത്ത് തെളിവെടുപ്പിനിടെയാണ് ഇയാൾ കടലിൽ ചാടിയത്. പുലിമുട്ടിൽ ഒളിപ്പിച്ച ദൃശ്യങ്ങൾ പകർത്തിയ ഫോൺ കണ്ടെടുക്കുന്നതിനായാണ് പ്രതിയെ കടപ്പുറത്തേക്ക് കൊണ്ടുവന്നത്. പൊലീസും പ്രദേശവാസികളും നോക്കി നിൽക്കെയാണ് മഹേഷ് കൈവിലങ്ങോടെ കടലിൽ ചാടിയത്.
കോസ്റ്റൽപൊലീസി​ന്റെയും ഫയർഫോഴ്സി​ന്റെയും നേതൃത്വത്തി​ൽ തെരച്ചി​ൽ നടത്തി​യെങ്കി​ലും കണ്ടെത്താനായി​രുന്നി​ല്ല.