ജർമ്മനിയിലെ ബെർലിനിലെ ഒരു സ്ഥലത്ത് രാത്രി ചെരുപ്പ് പുറത്ത് അഴിച്ചുവയ്ക്കാൻ പ്രദേശവാസികൾക്ക് പേടിയായിരുന്നു. കാരണം രാവിലെ എണിറ്റാൽ ചെരുപ്പ് അല്ലെങ്കിൽ ഷൂവിന്റെ ജോഡികളിലൊരെണ്ണം കാണാതാകും. ആരാണ് മോഷ്ടാവ് എന്നറിയാതെ ആഴ്ചകളോളം ജനങ്ങൾ ആശങ്കയിലായിരുന്നു. ഒടുവിൽ കള്ളനെ കയ്യോടെ പിടികൂടിയിരിക്കുകയാണ് നാട്ടുകാരനായ ക്രിസ്റ്റ്യൻ മേയർ.

ക്രിസ്റ്റ്യൻ മേയറുടെ ചെരുപ്പും മോഷണം പോയിരുന്നു. നാട്ടുകാരുടെ നൂറിലധികം ചെരുപ്പുകളാണ് നഷ്ടമായത്. ഒടുവിൽ കള്ളനെ പിടിച്ചപ്പോൾ നാട്ടുകാർ അക്ഷരാർത്ഥത്തിൽ ഞെട്ടി. ഒരു കുറുക്കനായിരുന്നു യഥാർത്ഥത്തിൽ കള്ളൻ. മോഷ്ടാവിനെ പിന്തുടർന്നപ്പോൾ നാട്ടുകാർക്ക് പലപ്പോഴായി നഷ്ടപ്പെട്ട ചെരുപ്പുകളും തിരിച്ചുകിട്ടി.

കള്ളനെ പിടികൂടിയതോടെ നാട്ടുകാരുടെ ആങ്കകളെല്ലാം മാറി. കുറുക്കൻ ചെരുപ്പും കൊണ്ടു പൊകുന്നതിന്റെ ചിത്രങ്ങൾ ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്. ചിത്രങ്ങൾക്ക് ആയിരക്കണക്കിന് ലൈക്കുകളാണ് കിട്ടിക്കൊണ്ടിരിക്കുന്നത്.

Fuchs, Du hast die Schuh gestohlen...🎶In #Zehlendorf wurden mehr als 100 Schuhe von einem Fuchs gemopst. Die ganze Geschichte morgen @TspCheckpoint. (📸: Christian Meyer) pic.twitter.com/pjnKhvobOa

— Felix Hackenbruch (@FHackenbruch) July 26, 2020