ആംസ്റ്റർഡാം: രണ്ട് യാത്രക്കാർ മാസ്‌ക് ധരിക്കാൻ വിസമ്മതിച്ചതിനെ തുടർന്ന് വിമാനത്തിനുള്ളിൽ സംഘർഷം. ആംസ്റ്റർഡാമിൽ നിന്നും ലിബ്സയിലേക്ക് പോകുന്ന വിമാനത്തിലാണ് സംഭവം. ഇതിന്റെ വീഡിയോ ഓൺലൈനിൽ വൈറലായി.
വൈറലാകുന്ന വീഡിയോ ക്ലിപ്പിലെ ദൃശ്യങ്ങൾ പ്രകാരം ഷർട്ട് പോലും ഇടാത്ത ഒരു വ്യക്തി മറ്റൊരു വ്യക്തിയുമായി തല്ല് കൂടുന്നത് കാണാം. കുട്ടികൾ അടക്കം വിമാനത്തിലുണ്ടെന്ന് മറ്റൊരാൾ വിളിച്ചു പറയുന്നതും കേൾക്കാം. അടുത്ത ക്ലിപ്പിൽ ഷർട്ടിടാത്തയാളെ മറ്റ് യാത്രക്കാർ വിമാനത്തിന്റെ നിലത്ത് ബന്ധനത്തിലാക്കുന്നതും ഇയാളുടെ മൂക്കിൽ നിന്നും രക്തം വരുന്ന ദൃശ്യങ്ങളുമൊക്കെയുണ്ട്.
വീഡിയോ ആദ്യം പ്രത്യക്ഷപ്പെട്ട മിഷിഗൺ ക്ലബ് എന്ന ഇൻസ്റ്റഗ്രാം അക്കൗണ്ടിന്റെ വിവരണത്തിൽ സംഘർഷം സൃഷ്ടിച്ചയാളുകൾ ബ്രിട്ടീഷുകാരാണെന്നും ഇവർ മദ്യം കഴിച്ചിരുന്നതായും പറയുന്നു. ഇവരെ പിന്നീട് അറസ്റ്റ് ചെയ്തുവെന്നാണ് റിപ്പോർട്ട്.