വാഷിംഗ്​ടൺ: യു.എസിൽ ഓരോദിവസവും​ കൊവിഡ്​ ബാധിച്ച്​ ആയിരത്തിലധികം പേർ മരിക്കുന്നതായി ജോൺ ഹോപ്കിൻസ് സർവകലാശാലയുടെ റിപ്പോർട്ട്. കഴിഞ്ഞദിവസം 1302 പേരാണ് രാജ്യത്ത് കൊവിഡ് ബാധിച്ച് മരിച്ചത്. 24 മണിക്കൂറിനിടെ പുതുതായി 53,847 പേർക്ക്​ രോഗം സ്ഥിരീകരിക്കുകയും ചെയ്​തു.

ലോകത്തിൽ കൊവിഡ്​ ഏറ്റവും രൂക്ഷമായി പിടിമുറുക്കിയ രാജ്യമാണ്​ യു.എസ്​. എന്നാൽ വൈറ്റ്​ ഹൗസിൽ നടന്ന വാർത്താസമ്മേളനത്തിൽ പ്രസിഡന്റ്​ ഡോണാൾഡ്​ ട്രംപ്​ ശുഭാപ്​തി വിശ്വാസമാണ്​ മുന്നോട്ട്​ വെച്ചത്​. ‘‘ഏറ്റവും ഗുരുതരാവസ്ഥയിലുള്ളവർക്ക്​ സംരക്ഷണം ഒരുക്കുന്ന ഞങ്ങളുടെ ശക്തമായ മിറ്റിഗേഷൻ രീതി വളരെ നന്നായി പ്രാവർത്തികമാവുന്നുവെന്ന സൂചനകളാണ്​ ലഭിക്കുന്നത്​. ’’ എന്നായിരുന്നു ട്രംപി​ന്റെ പ്രതികരണം. അതേസമയം, അമേരിക്കയെക്കൂടാതെ ബ്രസീലിലും ഇന്ത്യയിലും റഷ്യയിലും കൊവിഡ് വ്യാപനം രൂക്ഷമായിത്തന്നെ തുടുകയാണ്..

കൊവിഡ് മീറ്റർ

ആകെ രോഗികൾ:1.87 കോടി

മരണം: 7.05 ലക്ഷം

രോഗമുക്തർ:1.19 കോടി

അമേരിക്ക: 49.19 ലക്ഷം - 1.60 ലക്ഷം

ബ്രസീൽ:28.08 ലക്ഷം - 96,​096

ഇന്ത്യ:1.91 ലക്ഷം - 39,​876

റഷ്യ:8.66 ലക്ഷം - 14,​490