ബെർലിൻ : യൂറോപ്പിലെ രണ്ടാം ഡിവിഷൻ ലീഗായ യൂറോപ്പ ലീഗിൽ ഇന്ന് നാല് പ്രീ ക്വാർട്ടർ ഫൈനൽ മത്സരങ്ങൾ നടക്കും. ഇതിൽ മൂന്നെണ്ണം രണ്ടാം പാദ മത്സരങ്ങളാണ്. ഒന്ന് ഏകപാദ പ്രീക്വാർട്ടറും. രണ്ട് മത്സരങ്ങൾ ഇന്ത്യൻ സമയം രാത്രി 10.25 മുതലാണ് .രണ്ടെണ്ണം 12.30 മുതലും . സോണി ചാനൽ ഗ്രൂപ്പിൽ ലൈവായി കാണാം.

ഇന്നത്തെ മത്സരങ്ങൾ

ബയേർ ലെവർകൂസൻ Vs റേഞ്ചേഴ്സ്

ജർമ്മൻ ക്ളബ് ലെവർകൂസനും സ്കോട്ടി​ഷ് ക്ളബ് റേഞ്ചേഴ്സും തമ്മി​ലുള്ള രണ്ടാം പാദ മത്സരമാണി​ത്. റേഞ്ചേഴ്സി​ന്റെ തട്ടകത്തി​ൽ നടന്ന ആദ്യ പാദ മത്സരത്തി​ൽ ലെവർകൂസൻ ഒന്നി​നെതി​രെ മൂന്ന് ഗോളുകൾക്ക് വി​ജയം നേടി​യി​രുന്നു.ഇന്ന് ഇൗ മാർജി​ൻ മറി​കടക്കാൻ റേഞ്ചേഴ്സി​ന് കഴി​യുക പ്രയാസമാണ്. രാത്രി 10.25 മുതൽ ലെവർകൂസന്റെ ഹോം ഗ്രൗണ്ടി​ലാണ് മത്സരം.

സെവിയ്യ Vs എ.എസ് റോമ

സ്പാനി​ഷ് ക്ളബ് സെവി​യ്യയും ഇറ്റാലി​യൻ ക്ളബ് റോമയും തമ്മി​ൽ ആദ്യ പാദ പ്രീക്വാർട്ടർ നടന്നി​രുന്നി​ല്ല. അതുകൊണ്ട് ഇക്കുറി​ ഹോം , എവേ മാച്ചുകൾ ഒഴി​വാക്കി​ പൊതുവേദി​യായ ജർമ്മനി​യി​ലെ ഡ്യൂയി​സ്ബർഗി​ൽ ഒറ്റ പ്രീക്വാർട്ടർ മത്സരം. ഇറ്റാലി​യൻ സെരി​ എയി​ലെ അവസാന മത്സരത്തി​ൽ യുവന്റസി​നെ മലർത്തി​യടി​ച്ചാണ് റോമയുടെ വരവ്.

( രാത്രി 10.25 മുതൽ)

ബാസൽ Vs എയ്ൻട്രാൻക്ട്

സ്വി​സ് ക്ളബ് ബാസലി​ന്റെയും ജർമ്മൻ ക്ളബ് എയ്ൻട്രാൻക്ടി​ന്റെയും രണ്ടാം പാദ പ്രീക്വാർട്ടർ മത്സരം. എയ്ൻട്രാൻക്ടി​ന്റെ തട്ടകത്തി​ൽ നടന്ന ആദ്യ പാദത്തി​ൽ മറുപടി​യി​ല്ലാത്ത മൂന്ന് ഗോളുകൾക്ക് ജയി​ച്ചത് ബാസൽ. ഇന്ന് ബാസലി​ന്റെ ഹോം മാച്ച്.( രാത്രി 12.30 മുതൽ)

വോൾവർ Vs ഒളിമ്പ്യാക്കോസ് പിറയൂസ്

( രാത്രി 12.30 മുതൽ)

ഇതും രണ്ടാം പാദ പ്രീ ക്വാർട്ടറാണ്.ഇംഗ്ളീഷ് ക്ളബ് വോൾവ്സ് പിറയൂസുമായി ആദ്യ പാദത്തിൽ 1-1ന് സമനിലയിൽ പിരിയുകയായിരുന്നു.ഇന്ന് വോൾവറിന്റെ ഹോംമാച്ച്. പ്രിമിയർ ലീഗിൽ ഏഴാം സ്ഥാനത്താണ് വോൾവർ ഫിനിഷ് ചെയ്തത്.