ഇടുക്കി​:​ ​മൂന്നാറിൽ ​ നിന്നും 30​ ​കി​ലോ​മീ​റ്റ​ർ ദൂരെയാണ്​ ​പെ​ട്ടി​മു​ടി​. വ​ര​യാ​ടു​കളുടെ​ ​വി​ഹാര ഭൂമിയായ ​രാ​ജ​മ​ല​ ​ദേശീയോദ്യാനത്തിനുള‌ളിലൂടെ വേണം പെ​ട്ടി​മു​ടി​യി​ലെത്താൻ.​ ​നിറയെ ​പാ​റ​ക്കൂ​ട്ട​ങ്ങ​ളു‌ള‌ള ദുർഘട വഴിയുള‌ള ​​പ്ര​ദേ​ശം.​ ​ക​ഷ്ടി​ച്ച്

​ഒ​രു​ ​ജീ​പ്പി​ന് ​ക​ട​ന്നു​പോ​വാ​നു​ള്ള​ ​വീ​തി​യേ​ റോ​ഡി​നുള്ളു.​ ​ചെ​ങ്കു​ത്താ​യ​ ​വ​ഴി​യി​യുമാണ്.
പാ​ർ​ക്കി​നു​ള്ളി​ലൂ​ടെ​ ​പ​ത്തു​ ​കി​ലോ​മീ​റ്റ​ർ​ ​പോ​യാ​ൽ​ ​വ​ന​പ്ര​ദേ​ശ​ത്തെത്തും.​അവിടവും ക​ഴി​ഞ്ഞാ​ണ് ​ക​ണ്ണ​ൻ​ ​ദേ​വ​ന്റെ​ ​തേ​യി​ല​ത്തോട്ടം ആ​രം​ഭി​ക്കു​ന്ന​ത്.തോ​ട്ട​ങ്ങ​ളി​ൽ​ ​ജോ​ലി​ ​ചെ​യ്യു​ന്ന​ സാധാരണക്കാരായ തൊഴിലാളികളേ​ ​ഇ​വി​ടെ​ ​താ​മ​സ​മു​ള്ളു.​ ​ഇ​വ​ർ​ക്കാ​യി​ ​ക​മ്പ​നി​ ​ത​ന്നെ​ ​ല​യ​ങ്ങ​ൾ​ ​നി​ർ​മ്മി​ച്ചു​ ​ന​ല്കി​യി​ട്ടു​ണ്ട്.​ ​ത​നി​ച്ചു​ള്ള​ ​വീ​ടു​ക​ളോ​ ​കൃ​ഷി​സ്ഥ​ല​ങ്ങ​ളോ​ ​ഇ​വി​ടെ​യി​ല്ല.
വൈ​ദ്യു​തി​ ​സൗകര്യമുണ്ടെങ്കിലും അവ പലപ്പോഴും ഉപകാരപ്പെടില്ല.​ ​ചെ​റി​യൊ​രു​ ​കാ​റ്റ് ​വീ​ശി​യാ​ൽ​ത്തന്നെ ​വൈ​ദ്യു​തി​ ​മു​ട​ങ്ങും.​ ​തേ​യി​ല​ത്തോ​ട്ട​ത്തി​ന്റെ​ ​ന​ടു​വി​ലൂ​ടെ​യാ​ണ് ​വൈ​ദ്യു​തി​ ​ലൈ​ൻ​ ​ക​ട​ന്നു​പോ​വു​ന്ന​ത്.​ ​തോ​ട്ട​ത്തി​നു​ള്ളി​ലെ​ ​കാ​റ്റാ​ടി​ ​മ​ര​ങ്ങ​ൾ​ ​വീ​ണും​

​ക​മ്പു​ക​ൾ​ ​ലൈ​നി​ൽ​ ​അ​ടി​ച്ചു​മാ​ണ് ​വൈ​ദ്യു​തി​ ​മു​ട​ങ്ങാറ്. ലൈ​ൻ​ ​ശ​രി​യാ​ക്ക​ണ​മെ​ങ്കി​ൽ​ ​ആ​ഴ്ച​ക​ൾ​ ​ത​ന്നെ​ ​വേ​ണ്ടി​വ​രും.
മൊ​ബൈ​ൽ​ ​ഫോ​ണി​ന് ​ഇ​വി​ടെ​ ​റേ​ഞ്ച് ​ഇ​ല്ല.​ ​അ​തി​നാ​ൽ​ ​ത​ന്നെ​ ​അ​വി​ട​ത്തു​കാ​ർ​ക്ക് ​പു​റം​ലോ​ക​വു​മാ​യി​ ​ബ​ന്ധ​പ്പെ​ടാ​ൻ​ ​ഒ​രു​ ​മാ​ർ​ഗ​വു​മി​ല്ല.​ ​ബി.​എ​സ്.​എ​ൻ.​എ​ൽ​ ​ലൈ​നു​ക​ളും​ ​ഇ​ല്ല.​ ​ചു​രു​ക്ക​ത്തി​ൽ​ ​ഒ​റ്റ​പ്പെ​ട്ട​ ​ഗ്രാ​മ​മാ​ണ് ​പെ​ട്ടി​മു​ടി.
ത​മി​ഴ് ​വം​ശ​ജ​രാ​യ​ ​തൊ​ഴി​ലാ​ളി​ക​ളാ​ണ് ​തോ​ട്ട​ങ്ങ​ളി​ൽ​ ​ജോ​ലി​ ​ചെ​യ്യു​ന്ന​ത്.​ ​വ​ർ​ഷ​ങ്ങ​ൾ​ക്കു​മു​മ്പ് ​തോ​ട്ട​ത്തി​ൽ​ ​ജോ​ലി​ക്കാ​യി​ ​എ​ത്തി​യ​ ​ത​മി​ഴ് ​സ്വ​ദേ​ശി​ക​ളു​ടെ​ ​പി​ൻ​തു​ട​ർ​ച്ച​ക്കാ​രാ​ണ് ​ഇ​പ്പോ​ഴ​ത്തെ​ ​തൊ​ഴി​ലാ​ളി​ക​ൾ. കൊ​ടും​ത​ണു​പ്പ് ​അ​നു​ഭ​വ​പ്പെ​ടു​ന്ന​ ​പ്ര​ദേ​ശ​മാ​ണി​വി​ടം.​ ​ഇ​ട​യ്ക്ക് ​ന​ല്ല​ ​മ​ഴ​ ​പെ​യ്യും.​ ​ചെ​റി​യ​ ​നൂ​ൽ​ ​മ​ഴ​യാ​ണ് ​സാ​ധാ​ര​ണ​ ​വേ​ന​ൽ​ക്കാ​ല​ങ്ങ​ളി​ൽ​ ​പെ​യ്യു​ന്ന​ത്. ഇ​വി​ട​ത്തു​കാ​ർ​ക്ക് ​വൈദ്യ സഹായത്തിന് ആ​കെ​ ​ആ​ശ്ര​യം​ ​ക​ണ്ണ​ൻ​ ​ദേ​വ​ൻ​ ​ക​മ്പ​നി​യു​ടെ​ ​മൂ​ന്നാ​റി​ലെ​ ​ആ​ശു​പ​ത്രി​ ​മാ​ത്ര​മാ​ണ്.
​ചെ​റി​യ​ ​ഉ​രു​ൾ​പൊട്ട​ലു​ക​ൾ​ ഇ​വി​ടെ​ ​സാ​ധാ​ര​ണ​മാ​ണ്.​ ​എങ്കിലും ഇന്നലെയുണ്ടായത് പോലെ വ​ലി​യ​ ​അ​പ​ക​ട​ങ്ങ​ൾ​ ​ഉ​ണ്ടാ​യ​താ​യി​ ​ഇവിടുത്തുകാർക്ക് അ​റി​വി​ല്ല. ഇ​ന്ന​ലെ​ ​ഇ​വി​ടെ​ ​ഉ​രു​ൾ​പൊ​ട്ടി​ ​വ​ലി​യ​ ​ദു​ര​ന്തം​ ​ഉ​ണ്ടാ​യ​പ്പോ​ഴും​ ​പു​റം​ലോ​ക​മ​റി​യാ​ൻ​ ​വൈ​കി​യി​രു​ന്നു.​ ​ഈ​ ​പ്ര​ദേ​ശ​ത്തേ​ക്ക് ​എ​ത്താ​ൻ​ ​പ്ര​യാ​സ​മാ​യ​ത് ​ര​ക്ഷാ​പ്ര​വ​ർ​ത്ത​ന​ത്തെ​യും​ ​തു​ട​ക്ക​ത്തി​ൽ​ ​ദു​ഷ്ക​ര​മാ​ക്കി​യി​രു​ന്നു.​ ​ഇനിയെങ്കിലും മതിയായ ബന്ധം പുറംലോകവുമായുണ്ടാകാൻ പെട്ടിമുടിയിലെ ഈ പാവം തൊഴിലാളികൾക്ക് കഴിഞ്ഞിരുന്നെങ്കിൽ!!.