തെങ്ങിനു മുകളിൽ നിന്ന് ഇളനീർ പറിച്ച് കുടിക്കുന്ന കിളിയുടെ വീഡിയോ ആണ് ഇപ്പോൾ സോഷ്യൽ മീഡിയയിൽ വെെറലാകുന്നത്. ഐ എ എഫ് ഉദ്യോഗസ്ഥൻ സുശാന്ത നന്ദയാണ് ഈ വീഡിയോ ട്വിറ്ററിൽ പങ്കുവച്ചത്. തെങ്ങിൽ ഓലയിലായി നിൽക്കുന്ന കിളിയെ വീഡിയോയിൽ കാണാം. കൊക്ക് കൊണ്ട് സാഹസികമായാണ് കിളി ഇളനീർ പറിച്ചെടുക്കുന്നത്.
ഇളനീർ താഴെ വീഴാതിരിക്കാൻ കിളി പ്രത്യേകം ശ്രദ്ധിക്കുന്നതും വീഡിയോയിൽ കാണാം. കൊക്ക് മുകളിലേക്കുയർത്തിയാണ് ചെറിയ ഇളനീർ പറിച്ചെടുത്തത്. "ഇളനീർ കുടിക്കാൻ ഇഷ്ടപ്പെടാത്തവരായി ആരുണ്ട്" എന്ന അടിക്കുറിപ്പോടെയാണ് സുശാന്ത വീഡിയോ പോസ്റ്റ് ചെയ്തത്.
ഇളനീർ കുടിക്കുന്നതിന്റെ ആരോഗ്യ ഗുണങ്ങളെ കുറിച്ചും പോസ്റ്റിനൊപ്പം വിശദീകരിക്കുന്നു. "ദഹനത്തിന് സഹായിക്കുന്നതാണ് ഇളനീർ. ശരീരവണ്ണം കുറയ്ക്കാൻ സഹായിക്കുന്നു. ദിവസവും ഇളനീർ കുടിക്കുന്നതിലൂടെ ശരീരത്തിലെ ഇലക്ട്രോലെറ്റ് ബാലൻസ് നിലനിർത്തുന്നതിനും രക്തസമ്മർദം നിയന്ത്രിക്കുന്നതിനും സഹായിക്കുന്നു".-സുശാന്ത കുറിച്ചു. നിരവധി കമന്റുകളാണ് വീഡിയോയ്ക്ക് താഴെ പ്രത്യക്ഷപ്പെട്ടത്.
Who doesn’t love drinking coconut water☺️
— Susanta Nanda IFS (@susantananda3) August 8, 2020
It is said that coconut water acts as a digestive. Prevents bloating after meals. Regular consumption of coconut water also helps in maintaining the electrolyte balance in your body and thus, keeps your blood pressure in control. pic.twitter.com/enDsVClGXv