പ്രശസ്ത ബോളിവുഡ് സംവിധായകൻ രാംഗോപാൽ വർമ്മ തന്റെ ഏറ്റവും പുതിയ ചിത്രം പ്രഖ്യാപിച്ചു. ലോക്ക്ഡൗണിന്റെ പശ്ചാത്തലത്തിൽ തിയേറ്ററുകൾ അടഞ്ഞുകിടന്നിട്ടും പത്തോളം ചിത്രങ്ങളുടെ ടൈറ്റിലുകളാണ് ആർ.വി.ജി പ്രഖ്യാപിച്ചത്.. ഇതിൽ മൂന്ന് ചിത്രങ്ങൾ പുറത്തിറങ്ങുകയും ചെയ്തു. ആർജിവി വേൾഡ്/ശ്രേയസ് ഇടി എന്ന ഒ.ടി.ടി പ്ലാറ്റ്‌ഫോമിലൂടെ പേ ആൻഡ് വാച്ച് രീതിയിലായിരുന്നു പ്രദർശനങ്ങൾ. അതൊക്കെ വിജയങ്ങളായിരുന്നെന്നും അദ്ദേഹം അവകാശവാദമുയർത്തിയിരുന്നു.

ഏതായാലും ഇപ്പോഴിതാ പുതിയൊരു ചിത്രവും പ്രഖ്യാപിച്ചിരിക്കുകയാണ് രാമു. 'ഡെയ്ഞ്ചറസ്' എന്നു പേരിട്ടിരിക്കുന്ന ചിത്രം 'ഇന്ത്യയിലെ ആദ്യത്തെ ലെസ്ബിയൻ ക്രൈെ ആക്ഷൻ' സിനിമയെന്നാണ് സംവിധായകൻ വിശേഷിപ്പിച്ചിരിക്കുന്നത്. 'ത്രില്ലർ' എന്ന രാം ഗോപാൽ വർമ്മയുടെ കഴിഞ്ഞ ചിത്രത്തിൽ നായികയായെത്തിയ അപ്സര റാണിയും നൈന ഗാംഗുലിയുമാണ് ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിക്കുന്നത്.

⁦in DANGEROUS my intention is to depict a love story between 2 women with as much respect and dignity as between a man and a woman like what the posters suggest..Incidentally they have been designed by the highly talented ⁦@CreativePsychoo⁩ pic.twitter.com/s2tt8PBhoY

— Ram Gopal Varma (@RGVzoomin) August 9, 2020