കൊച്ചി: എറണാകുളത്തും വയനാട്ടിലുമായി സംസ്ഥാനത്ത് ഇന്ന് രണ്ട് കൊവിഡ് മരണം. ആലുവ സ്വദേശി എം ഡി ദേവസി (75), വയനാട് സ്വദേശി മൊയ്തു (59) എന്നിവരാണ് മരിച്ചത്. കളമശേരി മെഡിക്കൽ കോളേജിൽ കൊവിഡ് ചികിത്സയിലായിരുന്നു എം ഡി ദേവസി. ഇദ്ദേഹത്തിന് പ്രമേഹവും രക്തസമ്മർദവും ഉണ്ടായിരുന്നു. ന്യൂമോണിയ ബാധിച്ചതിനെ തുടർന്ന് ആലുവ ജില്ലാ ആശുപത്രിയിൽ നിന്ന് കഴിഞ്ഞമാസം 25നാണ് മെഡിക്കൽ കോളജിൽ പ്രവേശിപ്പിച്ചത്. ഇന്ന് രാവിലെ മരണപ്പെടുകയുമായിരുന്നു.

മാനന്തവാടി ജില്ലാ ആശുപത്രിയിൽ ചികിത്സയിലിരിക്കെയാണ് മൊയ്തു മരിച്ചത്. കിഡ്‌നി, കരൾ രോഗങ്ങളുണ്ടായിരുന്ന ആളായിരുന്നു ഇദ്ദേഹം.

സം​സ്ഥാ​ന​ത്ത് ​ഇ​ന്ന​ലെ​ 1184​ ​പേ​ർ​ക്കാണ് കൊ​വി​ഡ് ​സ്ഥി​രീ​ക​രിച്ചത്. 784​പേർ ​രോ​ഗ​മു​ക്ത​രായി.​ 956​ ​സ​മ്പ​ർ​ക്ക​ ​രോ​ഗി​ക​ളി​ൽ​ 114​ ​പേ​രു​ടെ​ ​ഉ​റ​വി​ടം​ ​വ്യ​ക്ത​മ​ല്ല.​ ​ഏ​ഴ് ​മ​രണമാണ് ഇന്നലെ ​ ​സ്ഥി​രീ​ക​രി​ച്ചത്. ​തി​രു​വ​ന​ന്ത​പു​രം​ ​കാ​ട്ടാ​ക്ക​ട​ ​സ്വ​ദേ​ശി​നി​ ​ജ​മ​ ​(50​)​ ​അ​ട​ക്കം​ ​പ​ല​സ്ഥ​ല​ങ്ങ​ളി​ലാ​യി​ ​മു​ൻ​ ​ദി​വ​സ​ങ്ങ​ളി​ൽ​ ​മ​രി​ച്ച​ ​ഏ​ഴു​പേ​രു​ടെ​ ​പ​രി​ശോ​ധ​നാ​ഫ​ല​മാ​ണ് ​പോ​സി​റ്റീ​വാ​യ​ത്.