ബൊക്കാറോ: വിദ്യാഭ്യാസ മന്ത്രി വെറും 'പത്താംക്ളാസും ഗുസ്തിയും" എന്നു പറഞ്ഞ് പരിഹസിച്ചവർക്ക് ചുട്ട മറുപടി നൽകിയിരിക്കയാണ് ജാർഖണ്ഡ് വിദ്യാഭ്യാസമന്ത്രി ജഗർനാഥ് മഹ്‌തോ.

53കാരനായ മന്ത്രി 25 വർഷത്തെ ഇടവേളയ്ക്ക് ശേഷം പതിനൊന്നാം ക്ളാസിൽ ചേർന്നാണ് രാജ്യത്തിനാകെ മാതൃകയായിരിക്കുന്നത്.

പഠിച്ചുകൊണ്ടിരിക്കുക എന്നതിനപ്പുറം മറ്റെന്തുയോഗ്യതയാണ് വിദ്യാഭ്യാസമന്ത്രിക്ക് വേണ്ടത്. പഠിക്കാൻ പ്രായമൊരു തടസമല്ലെന്ന മഹ്‌തോയുടെ മറുപടിക്ക് മുന്നിൽ വിമർശകരുടെ വായടഞ്ഞു.

ഡുമ്രി നിയമസഭാ മണ്ഡലത്തിൽ നിന്നുള്ള എം.എൽ.എയായ ജഗർനാഥ് മഹ്‌തോ ബൊക്കാറോയിലെ ദേവി മഹാതോ ഇന്റർ കോളേജിൽ ആർട്സ് വിഭാഗത്തിലാണ് പ്ളസ് വണിന് ചേർന്നത്. മന്ത്രി നേരിട്ട് സ്കൂളിലെത്തി വിദ്യാർത്ഥികൾക്കൊപ്പം ക്യൂ നിന്ന് അപേക്ഷാഫോം വാങ്ങി പൂരിപ്പിച്ച് 1000 രൂപ ഫീസും അടച്ചു. പ​തി​നൊ​ന്ന്, പ​ന്ത്ര​ണ്ട് ക്ലാ​സു​ക​ളി​ൽ ഹ്യു​മാ​നി​റ്റീ​സ് പ​ഠി​ച്ചശേ​ഷം ബി​രു​ദം നേ​ടു​ക​യാ​ണ് ല​ക്ഷ്യം.

1995ൽ തെലോ നെഹ്റു ഹൈസ്കൂളിൽ നിന്നും പത്താംക്ളാസ് പാസായെങ്കിലും ദാരിദ്ര്യം തുടർപഠനത്തിന് തടസമായി. മൂത്ത അഞ്ചു സഹോദരൻമാർക്കൊപ്പം മഹ്‌തോയേയും സ്കൂളിൽ അയയ്ക്കാൻ നിവൃത്തിയുണ്ടായിരുന്നില്ല കുടുംബത്തിന്. മാവോയിസ്റ്റ് സാന്നിദ്ധ്യമുള്ള ഉൾഗ്രാമത്തിൽ നിന്ന് പുറത്ത്പോയി പഠിക്കുക എളുപ്പമല്ലായിരുന്നു. പി​ന്നീ​ട് ബി​ഹാ​റി​ൽ നി​ന്ന് പ്ര​ത്യേ​ക സം​സ്ഥാ​നം ആ​വ​ശ്യ​പ്പെ​ട്ടു​ള്ള 'ജാ​ർ​ഖ​ണ്ഡ് പ്രക്ഷോഭത്തിന്റെ" ഭാ​ഗ​മാ​യി. അ​തു​വ​ഴി രാ​ഷ്‌​ട്രീ​യ​ത്തി​ലേ​ക്കെത്തു​ക​യാ​യി​രു​ന്നു.
ജാ​ർ​ഖ​ണ്ഡ് മു​ക്തി മോ​ർ​ച്ച അം​ഗ​മാ​യ മഹ്‌തോ ര​ണ്ടു ത​വ​ണ എം​.എ​ൽ.​എ ആ​യി​ട്ടു​ണ്ട്. ഹേ​മ​ന്ത് സോ​റ​ൻ മു​ഖ്യ​മ​ന്ത്രി ആ​യ​പ്പോ​ൾ വി​ദ്യാ​ഭ്യാ​സ​മ​ന്ത്രി ആ​യി മ​ഹ്​തോ ചു​മ​ത​ല​യേ​റ്റു. അ​തോ​ടെ​യാ​ണ് വി​ദ്യാ​ഭ്യാ​സ മ​ന്ത്രി​യു​ടെ യോ​ഗ്യ​ത പ്രതിപക്ഷം ചോ​ദ്യം ചെ​യ്തത്.

മ​ഹ്​തോ വി​ദ്യാ​ഭ്യാ​സമ​ന്ത്രി​യാ​യ ഉ​ട​ൻ ത​ന്നെ സം​സ്ഥാ​ന​ത്തെ സ്വ​കാ​ര്യ സ്‌കൂ​ളു​ക​ളി​ലെ അ​ധി​ക ഫീ​സ് വെ​ട്ടി​ക്കു​റ​ച്ചി​രു​ന്നു.