ഹോ​ങ്കോംഗ്: ചൈനീസ് ദേശീയ സുരക്ഷ നിയമപ്രകാരം അറസ്റ്റിലായ ഹോങ്കോംഗിലെ മാദ്ധ്യമ വ്യവസായി ജിമ്മി ലായിക്ക് ജാമ്യം. ജ​നാ​ധി​പ​ത്യാ​നു​കൂ​ലി​യാ​യ ആ​ക്ടി​വി​സ്റ്റ് ആ​ഗ്ന​സ് ചോ​വി​നും ജാ​മ്യം ലഭിച്ചു. പോരാട്ടം തുടരുമെന്ന് ജാമ്യം ലഭിച്ച ശേഷം ജിമ്മി പറഞ്ഞു. ജാമ്യം ലഭിച്ച ജിമ്മിയെ ഒരു വീരനെപ്പോലെയാണ് ഹോങ്കോംഗ് ജനത വരവേറ്റത്. വി​ദേ​ശ​ശ​ക്തി​ക​ളു​മാ​യി ബ​ന്ധ​മു​ണ്ടെ​ന്നാ​രോ​പി​ച്ചാ​ണ് ഹോ​ങ്കോം​ഗി​ലെ പ്ര​മു​ഖ വ്യ​വ​സാ​യി​യും നെ​ക്സ്റ്റ് മീ​ഡി​യ മാ​ദ്ധ്യ​മ​ഗ്രൂ​പ്പ് സ്ഥാ​പ​ക​നു​മാ​യ ജി​മ്മി ലാ​യി​യെ പൊലീസ് അ​റ​സ്റ്റ് ചെ​യ്ത​ത്. ഹോ​ങ്കോം​ഗി​ൽ ജ​നാ​ധി​പ​ത്യ​ത്തി​നു വേ​ണ്ടി വാ​ദി​ക്കു​ന്ന ലാ​യ് ചൈ​ന​യു​ടെ ഏ​കാ​ധി​പ​ത്യ ഭ​ര​ണ​ത്തി​ന്റെ സ്ഥി​രം വി​മ​ർ​ശ​ക​നു​മാ​ണ്. ബ്രിട്ടീഷ് പൗരത്വം കൂടി ഉണ്ടായിരുന്നിട്ടും, ചൈനയിൽ നിന്ന് പ്രതികാര നടപടികൾ ഉണ്ടാകും എന്നുറപ്പായിട്ടും രാജ്യം വിട്ട് ഒളിച്ചോടാൻ ലായി തയ്യാറായിരുന്നില്ല. ലായിയെപ്പോലെ ബഹുമാന്യനായ ഒരാളെ യാതൊരു വിധ പരിഗണനയും കൂടാതെ പൊതുജനമദ്ധ്യത്തിലൂടെ കൈവിലങ്ങണിയിച്ച് നടത്തിക്കൊണ്ടു പോയത് ഹോങ്കോംഗിൽ ഏറെ പ്രതിഷേധം ഉണ്ടാക്കിയിരുന്നു.