അന്താരാഷ്ട്ര ചലച്ചിത്രമേളയിലേക്ക് തിരഞ്ഞെടുക്കപ്പെട്ട് മലയാളം ഹ്രസ്വ ചിത്രം. പ്രണയിച്ച ആളാൽ ചതിക്കപ്പെട്ട് ഒടുവിൽ തെരുവിലേക്ക് വലിച്ചെറിയപ്പെടുന്ന സ്ത്രീ ജീവിതങ്ങളിലേക്ക് ക്യാമറ തിരിച്ചുവയ്ക്കുന്ന 'അരൂപി' എന്ന ഹ്രസ്വ ചിത്രമാണ് ഇൻഡോ അമേരിക്കൻ ഇന്റർനാഷണൽ ഫെസ്റ്റിവൽ ഓഫ് വേൾഡ് സിനിമ എന്ന അമേരിക്കൻ ചലച്ചിത്രമേളയിലേക്ക് തിരഞ്ഞെടുക്കപ്പെട്ടത്.

മേളയിൽ ഓൺലൈൻ വഴി സംപ്രേക്ഷണം ചെയ്യുന്ന ചിത്രം അമേരിക്കൻ ഒ.ടി.ടി പ്ലാറ്റ്ഫോമായ ആമസോൺ ഫയർ ടിവി വഴിയും സംപ്രേക്ഷണം ചെയ്യും. ഏകദേശം മുന്നൂറോളം ചലച്ചിത്രങ്ങളാണ് മേളയുടെ ഭാഗമാകുക. ചലച്ചിത്രമേളയുടെ ജൂറി തിരഞ്ഞെടുക്കുന്നതും വിജയിക്കുന്നതുമായ ചിത്രങ്ങൾക്ക് രാജ്യമൊട്ടാകെള ഓൺലൈൻ പ്ലാറ്റ്‌ഫോമുകൾ വഴി റിലീസ് ചെയ്യും. വരുന്ന ഡിസംബർ 27നാകും മേളയിലെ വിജയികളെ പ്രഖ്യാപിക്കുക.