തിരുവനന്തപുരം: കൊവിഡ് വ്യാപനത്തെത്തുടർന്ന് തലസ്ഥാനത്ത് ഏർപ്പെടുത്തിരുന്ന നിയന്ത്രണങ്ങളിൽ കൂടതൽ ഇളവുകൾ പ്രഖ്യാപിച്ചു. തീരദേശത്തെ ക്രിട്ടിക്കൽ സോണുകൾ മാറ്റി കണ്ടെയ്ൻമെന്റ് സോണുകളാക്കി. ഇവിടങ്ങളിൽ ഓഫീസുകൾ പ്രവർത്തിക്കാൻ അനുമതിയുണ്ട്. എന്നാൽ ക്ളബുകൾക്കും ജിമ്മുകൾക്കും പ്രവർത്തിക്കാൻ അനുമതിയില്ല. കടകൾക്ക് രാവിലെ ഏഴുമുതൽ വൈകിട്ട് നാലുവരെ പ്രവർത്തിക്കാനാണ് അനുമതിയുളളത്. മീൻ പിടിക്കാൻ പോകാൻ നിയന്ത്രണങ്ങളോടെ അനുമതി നൽകിയിട്ടുണ്ട്. തീരദേശത്ത് രോഗികളുടെ എണ്ണത്തിൽ കുറവുവന്നതിനെ തുടർന്നാണ് നിയന്ത്രണങ്ങളിൽ ഇളവ് വരുത്തിയതെന്നാണ് റിപ്പോർട്ട്.

ന​ഗ​ര​ത്തി​ലെ​ ​ലോ​ക്ക് ​ഡൗ​ൺ​ ​കഴിഞ്ഞദിവസം മു​ത​ൽ​ ​പി​ൻ​വ​ലി​ച്ചിരുന്നു.​ ​ജിം,​ ​ബാ​ർ​ബ​ർ​ ​ഷോ​പ്പ്,​ ​ഹോ​ട്ട​ലു​ക​ൾ​ ​തു​ട​ങ്ങി​യ​വ​യ്ക്ക് ​പ്ര​വ​ർ​ത്തി​ക്കാം.​ ​ബാ​റു​ക​ളി​ൽ​ ​പാ​ഴ്സ​ൽ​ ​ക​ച്ച​വ​ടം​ ​ന​ട​ത്താം.​ ​വി​വാ​ഹ​ങ്ങ​ളി​ൽ​ 50​ ​പേ​ർ​ക്ക് ​പ​ങ്കെ​ടു​ക്കാം.​ ​ജൂ​ലാ​യ് 6​നാ​ണ് ​ലോ​ക്ക് ​ഡൗ​ൺ​ ​പ്ര​ഖ്യാ​പി​ച്ച​ത്.

അതേസമയം തലസ്ഥാന ജില്ലയിൽ രോഗികളുടെ എണ്ണം ഉയരുകയാണ്. കഴിഞ്ഞദിവസം 321പേർക്കാണ് രോഗം സ്ഥിരീകരിച്ചത്. ഇന്ന് പൂജപ്പുര സെൻട്രൽ ജയിലിലെ 145 തടവുകാർക്ക് രോഗം സ്ഥിരീകരിച്ചിട്ടുണ്ട്. നാലുപേരാണ് ഇന്ന് ജില്ലയിൽ കൊവിഡ് ബാധിച്ച് മരിച്ചത്.