ചെന്നൈ : രണ്ട് ലോകകപ്പുകളിൽ ഇന്ത്യയെ കിരീടം ചൂടിച്ച നായകൻ മഹേന്ദ്രസിംഗ് ധോണി അന്താരാഷ്ട്ര ക്രിക്കറ്റിൽ നിന്ന് വിരമിച്ചു. ഐ.പി.എല്ലിൽ ചെന്നൈ സൂപ്പർ കിംഗ്സിന്റെ നായകനായ ധോണി യു.എ.ഇയിൽ നടക്കുന്ന ടൂർണമെന്റിനുള്ള ചെന്നൈയിലെ പരിശീലനക്യാമ്പിൽ എത്തിയതിന് പിന്നാലെയാണ് സ്വാതന്ത്യദിനത്തിൽ വിരമിക്കൽ പ്രഖ്യാപിച്ചത്. തൊട്ടുപിന്നാലെ ധോണിയുടെ അടുത്ത സുഹൃത്തുകൂടിയായ സുരേഷ് റെയ്നയും വിരമിക്കൽ പ്രഖ്യാപിച്ചു.