ശ്രീനഗർ: സി.ആർ.പി.എഫ് സംഘത്തിന് നേരെ ഭീകരാക്രമണം.കാശ്മീരിലെ ബാരാമുള്ളയിലെ ക്രേരി പ്രദേശത്ത് തിങ്കളാഴ്ച രാവിലെയാണ് സംഭവം. തീവ്രവാദികളുടെ സംഘം സി.ആർ.പി.എഫിന്റെയും ജമ്മു കാശ്മീർ പൊലീസിന്റെയും സംയുക്ത സംഘത്തെ ആക്രമിക്കുകയായിരുന്നു. ആക്രമണത്തിൽ രണ്ട് സി.ആർ.പി.എഫ് ജവാന്മാരും ഒരു പൊലീസ് ഉദ്യോഗസ്ഥനും വീരമൃത്യു വരിച്ചു.
പ്രദേശത്ത് തിരച്ചിൽ തുടരുകയാണ്. ആക്രമണത്തിൽ രണ്ട് സി.ആർ.പി.എഫ് സൈനികർക്ക് പരിക്കേറ്റതായി ജമ്മു കാശ്മീർ പൊലീസ് ഇൻസ്‌പെക്ടർ ജനറൽ വിജയ് കുമാർ പറഞ്ഞു.