ഹൈദരാബാദ്: അനധികൃത കടത്ത് കേസിൽ ബി.ജെ.പി നേതാവുൾപ്പെടെ നാല് പേർ പിടിയിൽ.ആന്ധ്രയിൽ നിന്നുള്ള ബി.ജെ.പി നേതാവ് ജി രാമഞ്ജനേയുലുവിനെയാണ് സംസ്ഥാന സംസ്ഥാന എൻഫോഴ്സ്‌മെന്റ് ബ്യൂറോ(എസ്.ഇ.ബി) അറസ്റ്റ് ചെയ്തത്. കഴിഞ്ഞ ലോക്സഭാ തിരഞ്ഞെടുപ്പിൽ മച്ചിലിപട്ടണം നിയോജകമണ്ഡലത്തിലെ ബി.ജെ.പി സ്ഥാനാർത്ഥിയായിരുന്നു.

തെലങ്കാനയിൽ നിന്ന് ആന്ധ്രാപ്രദേശിലേക്ക് മദ്യം കടത്തുന്നതിനിടെയാണ് പിടിയിലായത്.മൂന്ന് കാറുകളിൽ നിന്നായി ആറ് ലക്ഷം രൂപ വിലവരുന്ന 40 കെയ്സ് മദ്യമാണ് കണ്ടെടുത്തതെന്ന് എസ്.ഇ.ബി പൊലീസ് സൂപ്രണ്ട് ആരിഫ് ഹസീഫ് പറഞ്ഞു. സംഭവത്തെ തുടർന്ന് ബി.ജെ.പി സംസ്ഥാന അദ്ധ്യക്ഷൻ സോമു വീരരാജു അഞ്ജി ബാബുവിനെ പാർട്ടിയിൽ നിന്ന് സസ്‌പെൻഡ് ചെയ്തു.