അഭി​നയജീവി​തത്തി​ൽ പത്താം വർഷത്തി​ലേക്ക് കടക്കുന്ന ഉണ്ണി​ മുകുന്ദന്റെ വി​ശേഷങ്ങൾ........

വർ​ഷ​ങ്ങൾ​ക്ക് മു​മ്പ്, സി​നിമ സ്വ​പ്‌​നം ക​ണ്ടു​ന​ട​ന്ന സു​ന്ദ​ര​നായ ഒ​രു മ​ല​യാ​ളി പ​യ്യൻ അ​ങ്ങ് ഗു​ജ​റാ​ത്തിൽ നി​ന്ന് സം​വി​ധാ​യ​കൻ ലോ​ഹി​ത​ദാ​സി​ന് ക​ത്തെ​ഴു​തി. ''സർ... സി​നിമ എ​നി​ക്കൊ​രു​പാ​ട് ഇ​ഷ്‌​ട​മാ​ണ്...​"" എ​ന്നു തു​ട​ങ്ങിയ ആ ക​ത്തി​ലെ വ​ടി​വൊ​ത്ത കൈ​യ​ക്ഷ​രം ലോ​ഹി​ത​ദാ​സി​ന് ഇ​ഷ്‌​ട​പ്പെ​ട്ടു.

'​'​അ​ങ്ങ​നെ അ​ഹ​മ്മ​ദാ​ബാ​ദിൽ നി​ന്ന് നാ​ല് ദി​വ​സ​ത്തെ ട്രെ​യിൻ യാ​ത്ര​യ്ക്കൊ​ടു​വിൽ ഞാൻ പ​ഴയ ല​ക്കി​ടി​യി​ലെ​ത്തി. സ്ഥ​ല​ങ്ങ​ളൊ​ന്നും പി​ടി​യി​ല്ലാ​ത്ത​തി​നാൽ വി​ലാ​സം ചോ​ദി​ച്ച് ലോ​ഹി സാ​റി​ന്റെ വീ​ട്ടി​ലേ​ക്ക് ഫോൺ ചെ​യ്‌​തു.

'​'​നീ ലോ​ഹി​ത​ദാ​സി​ന്റെ വീ​ടേ​താ​ണെ​ന്ന് ഏ​തെ​ങ്കി​ലും ആ​ട്ടോ​ക്കാ​ര​നോ​ട് ചോ​ദി​ച്ചാൽ മ​തി.​"" അ​ദ്ദേ​ഹ​ത്തി​ന്റെ മ​റു​പ​ടി​യിൽ അ​ല്പം നീ​ര​സം ക​ലർ​ന്നി​രു​ന്നു. ഈ പു​ള്ളി​യെ​ന്താ ഇ​ങ്ങ​നെ​യൊ​ക്കെ സം​സാ​രി​ക്കു​ന്ന​തെ​ന്ന് അ​ദ്ദേ​ഹ​ത്തി​ന്റെ വ​ലി​പ്പ​മ​റി​യാ​ത്ത ഞാൻ മ​ന​സിൽ വി​ചാ​രി​ച്ചു. വീ​ട് ചോ​ദി​ച്ച​പ്പോൾ ആ​ട്ടോ​ക്കാ​ര​ന് സ​ന്തോ​ഷം.​എ​നി​ക്ക​ത് അ​തി​ശ​യ​മാ​യി​ത്തോ​ന്നി.

വീ​ട്ടി​ലെ​ത്തി​യ​പ്പോൾ ഒ​രു ചേ​ച്ചി സം​ഭാ​രം കൊ​ണ്ടു ത​ന്നു. ചോ​ദി​ച്ച​പ്പോൾ വീ​ണ്ടും കി​ട്ടി സം​ഭാ​രം. അ​തി​നി​ട​യിൽ കാ​വി​മു​ണ്ടു​ടു​ത്ത് ബീ​ഡി​യും വ​ലി​ച്ച് ആ വ​ഴി പോയ ആ​ളെ അ​ത്ര ശ്ര​ദ്ധി​ച്ചി​ല്ല. അ​ല്പം ക​ഴി​ഞ്ഞ് പു​ള്ളി അ​ടു​ത്തു​ള്ള ചാ​രു​ക​സേ​ര​യിൽ വ​ന്നി​രു​ന്ന് എ​ന്നെ​യൊ​ന്ന് നോ​ക്കി: '​'​ഞാ​നാ​ണ് ലോ​ഹി​ത​ദാ​സ്. പ​റ​യൂ...​"" അ​തു​കേ​ട്ട് ഞാ​നാ​കെ വ​ണ്ട​റ​ടി​ച്ചു. ലോ​ഹി​ത​ദാ​സ് എ​ന്ന് കേ​ട്ടി​ട്ടു​ള്ള​ത​ല്ലാ​തെ അ​ദ്ദേ​ഹ​ത്തി​ന്റെ ഒ​രു ഫോ​ട്ടോ പോ​ലും ക​ണ്ടി​ട്ടു​ണ്ടാ​യി​രു​ന്നി​ല്ല.

സി​നി​മ​യു​ടെ ഉ​യ​ര​ങ്ങ​ളിൽ നിൽ​ക്കു​ന്നൊ​രാൾ മാ​ന്യ​മാ​യി പെ​രു​മാ​റി​യ​പ്പോൾ​ത്ത​ന്നെ എ​ന്റെ മ​ന​സ് നി​റ​ഞ്ഞു. ഇ​ന്നും പു​തി​യൊ​രാ​ളോ​ട് മ​ര്യാ​ദ​യി​ല്ലാ​തെ സം​സാ​രി​ക്കാൻ എ​നി​ക്ക് ക​ഴി​യാ​ത്ത​ത് അ​ന്ന് ലോ​ഹി​സാർ കാ​ണി​ച്ച ന​ന്മ കൊ​ണ്ടാ​ണ്.

'​'​എ​ന്നാൽ ശ​രി ന​മു​ക്ക് സി​നിമ ചെ​യ്യാം.​"" എ​ന്ന ഇൻ​സ്റ്റ​ന്റ് മ​റു​പ​ടി ലോ​ഹി​സാ​റിൽ നി​ന്ന് ഞാൻ പ്ര​തീ​ക്ഷി​ച്ചി​രു​ന്നി​ല്ല. സി​നിമ ക​രി​യ​റാ​ക്ക​ണ​മെ​ന്നാ​യി​രു​ന്നു എ​ന്റെ ആ​ഗ്ര​ഹം. ആ മ​നോ​ഭാ​വം ലോ​ഹി​സാ​റി​ന് ഇ​ഷ്ട​മാ​യി. നി​വേ​ദ്യ​ത്തിൽ നാ​യ​ക​നാ​കാ​നു​ള്ള അ​വ​സ​രം ത​ന്നെ​ങ്കി​ലും ആ​ത്മ​വി​ശ്വാ​സ​മി​ല്ലാ​യി​രു​ന്ന​തു​കൊ​ണ്ട് ഞാ​ന​ത് ചെ​യ്‌​തി​ല്ല. ഒ​ന്നു​മ​റി​യാ​തെ സി​നി​മ​യി​ലേ​ക്ക് എ​ടു​ത്ത് ചാ​ട​ണ്ട എ​ന്നാ​യി​രു​ന്നു തീ​രു​മാ​നം. പ​ക്ഷേ, വൈ​കാ​തെ ലോ​ഹി​സാർ ന​മ്മെ വി​ട്ട് പോ​യി. ഞാൻ, ഇ​നി എ​ന്ത് എ​ന്ന കൺ​ഫ്യൂ​ഷ​നി​ലു​മാ​യി. ഇ​തു​വ​രെ​യു​ള്ള സി​നി​മാ​ജീ​വി​ത​ത്തിൽ എ​നി​ക്ക് കു​റേ​ചീ​ത്ത​പ്പേ​ര് കി​ട്ടി​യി​ട്ടു​ണ്ട്. അ​തി​ന്റെ തു​ട​ക്കം സാ​റി​ന്റെ മ​ര​ണ​ത്തി​ലാ​ണ്. എ​ന്റെ ജാ​ത​കം ശ​രി​യ​ല്ലാ​ത്ത​ത് കൊ​ണ്ടാ​ണ് ലോ​ഹി​ത​ദാ​സ് സാർ മ​രി​ച്ച​തെ​ന്നാ​യി​രു​ന്നു ചി​ല​രു​ടെ ക​ണ്ടെ​ത്തൽ.

അ​പ്പോ​ഴേ​ക്കും ത​മി​ഴിൽ നി​ന്ന് ആ​ദ്യ അ​വ​സ​രം ല​ഭി​ച്ചു. അ​തു​ക​ഴി​ഞ്ഞ് പ്ര​മോ​ദ് പ​പ്പൻ സാർ ബാ​ങ്കോ​ക്ക് സ​മ്മർ എ​ന്ന സി​നി​മ​യിൽ വി​ല്ല​നാ​കാൻ വി​ളി​ച്ചു. അ​ത് ക​ഴി​ഞ്ഞ​പ്പോ​ഴേ​ക്കും ദി​ലീ​പ് പ​ണി​ക്കർ എ​ന്ന അ​സോ​സി​യേ​റ്റ് ഡ​യ​റ​ക്‌​ടർ എ​ന്നെ ബാ​ബു​ചേ​ട്ട​ന് (​ബാ​ബു ജ​നാർ​ദ്ദ​നൻ) പ​രി​ച​യ​പ്പെ​ടു​ത്തി. ബോം​ബെ മാർ​ച്ച് 12​ന്റെ പ്ളാ​നിം​ഗി​ലാ​യി​രു​ന്നു അ​പ്പോൾ ബാ​ബു​ചേ​ട്ടൻ. അ​ദ്ദേ​ഹം പ​റ​ഞ്ഞ​ത​നു​സ​രി​ച്ച് പോ​ണ്ടി​ച്ചേ​രി​യിൽ ഡ​ബിൾ​സി​ന്റെ സെ​റ്റിൽ പോ​യി മ​മ്മൂ​ക്ക​യെ ക​ണ്ടു. പി​ന്നീ​ട് ന​ട​ന്ന​തെ​ല്ലാം നി​ങ്ങൾ​ക്ക​റി​യാം.
മ​ല​യാ​ളി​കൾ എ​ന്നെ മാ​റ്റി നി​റു​ത്തി​ല്ലെ​ന്ന വി​ശ്വാ​സ​ത്തി​ലാ​ണ് കേ​ര​ള​ത്തി​ലെ​ത്തി​യ​ത്. പ​ക്ഷേ ഗു​ജ​റാ​ത്തിൽ നി​ന്ന് വ​ന്ന​താ​ണെ​ന്ന പ​ഴി കേൾ​ക്കേ​ണ്ടി വ​ന്നു. ഗു​ജ​റാ​ത്തിൽ നി​ന്ന​ല്ലേ, അ​മേ​രി​ക്ക​യിൽ നി​ന്നൊ​ന്നു​മ​ല്ല​ല്ലോ വ​ന്ന​ത്? ഗു​ജ​റാ​ത്തി​നെ കു​റി​ച്ച് കേ​ര​ള​ത്തിൽ മോ​ശം അ​ഭി​പ്രാ​യ​മു​ണ്ടെ​ന്ന് തോ​ന്നു​ന്നു. അ​തൊ​ന്നും പ്രേ​ക്ഷ​കർ മു​ഖ​വി​ല​യ്‌​ക്കെ​ടു​ത്തി​ല്ല. എ​ന്റെ പേ​ര് കൊ​ണ്ടാ​യി​രി​ക്കാം അ​ല്ലെ​ങ്കിൽ മു​ഖ​ത്തി​ന്റെ പ്ര​ത്യേ​ക​ത​യാ​യി​രി​ക്കാം സ്വ​ന്തം വീ​ട്ടി​ലെ ഒ​രാ​ളാ​യാ​ണ് അ​വർ സ്വീ​ക​രി​ച്ച​ത്.

അ​പ്പോ​ഴും ആ​രോ​പ​ണ​ങ്ങൾ​ക്ക് പ​ഞ്ഞ​മു​ണ്ടാ​യി​രു​ന്നി​ല്ല. സൗ​ന്ദ​ര്യം മാ​ത്ര​മേ​യു​ള്ളൂ​വെ​ന്ന് പ​റ​ഞ്ഞ​വ​രു​ണ്ട്. അ​ത് എ​ന്റെ കു​ഴ​പ്പ​മ​ല്ല.
വെ​റും മ​സിൽ​മാൻ മാ​ത്ര​മാ​ണ് എ​ന്നാ​യി​രു​ന്നു അ​ടു​ത്ത പ​രാ​തി. ആ​രോ​ഗ്യ​മു​ള്ള​ത് ന​ല്ല കാ​ര്യ​മ​ല്ലേ? മ​സി​ലു​ണ്ടാ​യ​തു​കൊ​ണ്ട് എ​ല്ലാ​ത്ത​രം ക​ഥാ​പാ​ത്ര​ങ്ങ​ളും ചെ​യ്യാൻ പ്ര​യാ​സ​മാ​യി​രി​ക്കു​മെ​ന്ന് പ​റ​ഞ്ഞ ചില നെ​ഗ​റ്റീ​വ് ക​ക്ഷി​ക​ളു​ണ്ട്. ഇ​ന്ന് ഞാൻ എ​ല്ലാ​ത്ത​രം സി​നി​മ​ക​ളും ചെ​യ്‌​തു​ക​ഴി​ഞ്ഞു. ചാ​ണ​ക്യ​ത​ന്ത്ര​ത്തിൽ പെൺ​വേ​ഷം വ​രെ ചെ​യ്‌​തു. അ​തിൽ സി​ക്സ്‌​പാ​യ്ക്കോ മ​സി​ലോ ഒ​ന്നും വി​ഷ​യ​മാ​യി​ല്ല. എ​ല്ലാം തി​ക​ഞ്ഞ ആ​രു​മി​ല്ല. ആ​രോ​ഗ്യം ഒ​രു ന​ട​ന്റെ പ്ള​സ് പോ​യി​ന്റാ​ണ്. അ​തു​കൊ​ണ്ടാ​ണ് ഞാൻ ഉ​ണ്ണി മു​കു​ന്ദ​നാ​യ​ത്. അ​ല്ലെ​ങ്കിൽ മ​റ്റു​ള്ള​വ​രെ​പ്പോ​ലെ​യാ​കു​മാ​യി​രു​ന്നു. ചി​ല​പ്പോൾ ഇ​തൊ​രു ട്രെൻ​ഡാ​കും. ഇ​നി വ​രു​ന്ന നാ​യ​ക​ന്മാ​രിൽ പ​ത്തി​ലൊ​രാ​ളെ​ങ്കി​ലും ഉ​ണ്ണി മു​കു​ന്ദ​നെ​പ്പോ​ലെ ബോ​ഡി ബിൽ​ഡ് ചെ​യ്‌​തു​വ​രും.

ന​ല്ല ശ​രീ​ര​മു​ള്ള​തു​കൊ​ണ്ടാ​ണ് വി​ക്ര​മാ​ദി​ത്യ​നി​ലെ മ​സി​ല​ളി​യൻ എ​ന്ന ക​ഥാ​പാ​ത്രം ല​ഭി​ച്ച​ത്. കി​ട്ടി​യാൽ കി​ട്ടി എ​ന്ന രീ​തി​യിൽ ചെ​‌​‌​യ്ത സി​നി​മ​യാ​ണ് മ​ല്ലു​സിം​ഗ്. അ​തിൽ സ്വ​ന്ത​മാ​യി ഡ​ബ്ബ് ചെ​യ്യാൻ പ​റ്റാ​ത്ത​തിൽ വ​ലിയ വി​ഷ​മ​മു​ണ്ടാ​യി​രു​ന്നു. K​L​-10ൽ മ​ല​പ്പു​റം ഭാ​ഷ​യിൽ ഡ​ബ്ബ് ചെ​യ്‌​തു. ശ​ബ്ദം കൊ​ള്ളി​ല്ലെ​ന്ന് പ​റ​ഞ്ഞ് ഒ​ഴി​വാ​ക്ക​പ്പെ​ട്ട ഞാൻ മൂ​ന്ന് പാ​ട്ടു​കൾ പാ​ടി. മാ​സ്റ്റർ​പീ​സും ഇ​ര​യും ക​ഴി​ഞ്ഞ​പ്പോൾ എ​നി​ക്ക് ല​ഭി​ച്ച അ​ഭി​ന​ന്ദ​ന​ങ്ങ​ളിൽ ഒ​ന്ന് സ്ക്രാ​ച്ചു​ള്ള ആ ശ​ബ്ദ​ത്തി​നായി​രുന്നു.മാ​സ്റ്റർ​പീ​സി​ലെ ജോൺ തെ​ക്കൻ എ​ന്ന പൊ​ലീ​സ് ഓ​ഫീ​സർ ശ്ര​ദ്ധി​ക്ക​പ്പെ​ട്ടു. ബാ​ഗ​‌്മ​തി, ഇ​ര, ജ​ന​താ​ഗാ​രേ​ജ്, മാ​സ്റ്റർ​പീ​സ്, ചാ​ണ​ക്യ​ത​ന്ത്രം, അ​ച്ചാ​യൻ​സ് , മാമാങ്കം, മി​ഖായേൽ എന്നീ ചി​ത്രങ്ങളും എ​നി​ക്ക് നേ​ട്ട​മാ​യി. ക്ളി​ന്റും വ്യ​ക്തി​പ​ര​മാ​യി ഇ​ഷ്ട​പ്പെ​ട്ട സി​നി​മ​യാ​ണ്.

സെ​ലി​ബ്രി​റ്റി ആ​യ​തി​ന്റെ നേ​ട്ട​ങ്ങ​ളും ഒ​രു​പാ​ടു​ണ്ട്. വെ​റും പ്ള​സ് ടു പാ​സായ ഞാ​നോ​ടി​ക്കു​ന്ന കാ​റു​കൾ ലാൻ​ഡ് റോ​വും ജീ​പ്പ് കോ​മ്പ​സു​മൊ​ക്കെ​യാ​ണ്. ഒ​രു വീ​ട്, ര​ണ്ട് ഫ്ളാ​റ്റ്... ചി​ല​ത് നേ​ടു​മ്പോൾ ചി​ല​ത് ന​ഷ്ട​മാ​കും. എ​ന്റെ ജോ​ലി അ​ഭി​ന​യ​മാ​ണ്. അ​ത​നു​സ​രി​ച്ച് ജീ​വി​ത​ത്തെ മാ​റ്റാൻ ആ​ഗ്ര​ഹി​ക്കു​ന്നി​ല്ല.