മുംബയ്: സേവിംഗ്സ് അക്കൗണ്ടുകളിൽ മിനിമം ബാലൻസ് സൂക്ഷിക്കാത്ത ഉപഭോക്താക്കളിൽ നിന്ന് ഈടാക്കി വന്ന പിഴയും എസ്.എം.എസ് നിരക്കുകളും എസ്.ബി.ഐ പൂർണമായി ഒഴിവാക്കി. ഇതോടെ 44 കോടി വരുന്ന ഉപഭോക്താക്കൾക്ക് ഇതിന്റെ ഗുണം ലഭിക്കും. ട്വിറ്ററിലൂടെയാണ് എസ്.ബി.ഐ ഇക്കാര്യം അറിയിച്ചത്. സേവിംഗ്സ് ബാങ്ക് അക്കൗണ്ടുകളിൽ മിനിമം ബാലൻസ് ഇല്ലാത്തതിന്റെ പേരിലുള്ള പിഴ ഒഴിവാക്കാൻ മാർച്ചിൽ എസ്.ബി.ഐ. തീരുമാനിച്ചിരുന്നു.

മെട്രോ നഗരങ്ങളിൽ ചുരുങ്ങിയത് 3000 രൂപയും അർദ്ധനഗരങ്ങളിൽ 2000 രൂപയും ഗ്രാമങ്ങളിൽ 1000 രൂപയും മിനിമം ബാലൻസ് വേണമെന്നായിരുന്നു എസ്.ബി.ഐയുടെ നിർദ്ദേശം. ഇതു പാലിക്കാതിരുന്നാൽ അഞ്ചു മുതൽ 15 രൂപ വരെ പിഴ ഈടാക്കിയിരുന്നു