ന്യൂയോർക്ക് : വരാൻ പോകുന്ന തിരഞ്ഞെടുപ്പിൽ തന്റെ എതിർ സ്ഥാനാർത്ഥിയായ ജോ ബൈഡൻ വിജയിച്ചാൽ അമേരിക്ക പിന്നെ ചൈനയ്ക്ക് സ്വന്തമാകുമെന്ന് ഡൊണാൾഡ് ട്രംപ്. കൗൺസിൽ ഫോർ നാഷണൽ പോളിസിയിൽ സംസാരിക്കുന്നതിനിടെയാണ് ട്രംപ് ബൈഡനെ രൂക്ഷമായി വിമർശിച്ചത്.

കാംപെയിനിൽ ഇതുവരെ ബൈഡൻ ചൈനയെ പറ്റി ഒന്നും സംസാരിച്ചില്ലെന്നും ബൈഡൻ വന്നാൽ അമേരിക്കയെ ചൈന സ്വന്തമാക്കുമെന്നും പറഞ്ഞ ട്രംപ് അത് രാജ്യത്തിന് അപകടമാണെന്നും അങ്ങനെ സംഭവിക്കാൻ അനുവദിക്കില്ലെന്നും വ്യക്തമാക്കി. തിരഞ്ഞെടുപ്പിൽ ബൈഡൻ വിജയിക്കണമെന്നാണ് ചൈനയുടെ ആഗ്രഹമെന്ന് ഇന്റലി‌ജൻസ് റിപ്പോർട്ടുകളിൽ സൂചിപ്പിക്കുന്നതായും ട്രംപ് പറഞ്ഞു. താൻ വിജയിക്കണമെന്ന് ചൈന ആഗ്രഹിച്ചിരുന്നെങ്കിൽ അത് താൻ നേരിടുന്ന ഏറ്റവും വലിയ അപമാനങ്ങളിൽ ഒന്നാകുമെന്നും ബൈഡന് അമേരിക്കയെ മുന്നോട്ട് കൊണ്ടുപോകാനാകില്ലെന്നും ട്രംപ് വ്യക്തമാക്കി.