തിരുവനന്തപുരം: ആറ്റിങ്ങലിൽ നിന്ന് ഒരു കോടി രൂപയുടെ കഞ്ചാവ് പിടികൂടി എക്സൈസ്. ഓണക്കച്ചവടം ലക്ഷ്യമിട്ട് ആന്ധ്രയിൽ നിന്ന് കൊണ്ടുവന്ന കഞ്ചാവാണ് എക്സൈസ് സംഘം പിടികൂടിയത്. എക്സൈസ് കമ്മീഷണർക്ക് കിട്ടിയ രഹസ്യ വിവരത്തിന്‍റെ അടിസ്ഥാനത്തിൽ നടത്തിയ പരിശോധനയിലാണ് കഞ്ചാവ് പിടികൂടിയത്. പിടിച്ചെടുത്ത കഞ്ചാവിന് ഒരു കോടിയോളം രൂപ വിലവരുമെന്നും അധികൃതർ പറഞ്ഞു.
ആലംകോട് ജംഗ്ഷന് സമീപം സവാള കച്ചവടത്തിന്‍റെ മറവിൽ ഓൺലൈൻ വഴി ആയിരുന്നു കച്ചവടം നടത്തിയിരുന്നത്. ആറ്റിങ്ങൽ വര്‍ക്കല എക്സൈസ് റേഞ്ചുകൾ സംയുക്തമായാണ് പരിശോധന നടത്തിയത്. ഓണം അടുത്തതോടെ സംസ്ഥാനത്ത് പരിശോധനകൾ ശക്തമാക്കനൊരുങ്ങുകയാണ് എക്സെെസ്.