കോഴിക്കോട്: ജില്ലയിലെ മുക്കത്ത് അജ്ഞാതസംഘം എത്തിയതായി സൂചന. ഈ സംഘം കഴിഞ്ഞമാസം അവസാനംവരെ വൈദ്യർമലയിൽ തങ്ങിയതായാണ് അറിയുന്നത്. ആഗസ്റ്റിലും ഇവർ വൈദ്യർമലയിൽ തങ്ങിയതായി വിവരം ലഭിച്ചിട്ടുണ്ട്. എന്നാൽ ഇവരുടെ ലക്ഷ്യം എന്താണെന്ന് വ്യക്തമല്ല. തീവ്രവാദ പ്രവർത്തനവുമായി​ ബന്ധമുളളവരാണോ എത്തി​യതെന്ന് സംശയമുണ്ട്. രസഹ്യാന്വേഷണ വിഭാഗം വിവരങ്ങൾ ശേഖരിച്ചുതുടങ്ങിയിട്ടുണ്ട് എന്നാണ് റിപ്പോർട്ട്. എന്നാൽ പൊലീസ് ഉൾപ്പടെയുളളവർ ഇക്കാര്യം സ്ഥിരീകരിച്ചിട്ടില്ല എന്നാണറിയുന്നത്.

വാഗമണി​ൽ 2007 ഡിസംബർ 10 മുതൽ 22 വരെ നിരോധിത സംഘടനയായ സിമി ക്യാമ്പ് നടത്തിയി​രുന്നു. രാജ്യത്തെ വി​വി​ധഭാഗങ്ങളി​ൽ നി​ന്നുളള സി​മി​ പ്രവർത്തകരാണ് ഇതി​ൽ പങ്കെടുത്തി​രുന്നത്. രഹസ്യാന്വേഷണ വി​ഭാഗം നടത്തി​യ അന്വേഷണത്തി​ൽ യന്ത്രത്തോക്കുകളുടെ ഉപയോഗം, മലകയറ്റം, ബോംബ് നി​ർമാണം, റേസി​ംഗ് എന്നി​വയി​ൽ പരി​ശീലനം നടത്തി​യി​രുന്നതായും രാജ്യത്തെ വി​വി​ധഭാഗങ്ങളി​ൽ സ്ഫോടനം ആസൂത്രണം ചെയ്തി​രുന്നതായും കണ്ടെത്തി​യി​രുന്നു.